منتدى الفرح المسيحى - اتطمن الكلمة الاولى والاخيرة لله

https://upload.chjoy.com/uploads/170721095941331.jpg

الاصحاح الاول من السفر الاول في الكتاب المقدس
قال ايه عظيمه جداً
وكأن الله قاصد يطمنك بيها في اول صفحات الكتاب
" وقال الله ليكن نور فكان نور "
اوقات كتير بتطمن في عز ما الظروف تستدعي
القلق بسبب الكلمتين دول ( فقال - فكان )

الموضوع خلصان
فقال عمل فكان عمل
فقال ستر فكان ستر
فقال نسل فكان نسل
وغيرها ،،،

ورجع يأكد المعنى في مراثي ارميا لما قال
من ذا الذي يقول فيكون والرب لم يأمر
سامعين ! ( يقول - فيكون )
فقال - فكان - يقول - فيكون

يعني طول ما الله لم يأمر سيب اللي يتكلم يتكلم
ولا تشغل بالك باللي بيتقال
ولا تخلي افكارك المحبطة تتملك منك
ولا تصدق السيناريوهات اللي عمال ترسمها في خيالك

اتطمن ، الكلمة الاولى والاخيرة لله
والله لم يأمر بعد