زي الطفل باتعلم



وزي الطفل باتعلم
امشّي معاك واتكلم
ولما النفس تتوجع
تشيلها لما تستسلم
بنظرة حب من عينك
ولمسة ايد ترجعني
وكلمة تقولها تشفيني
وترفعني وتسندني
وزي الطفل لما اغلط
واكون خايف ومتلخبط
كسرت حاجات متتصلحش
وعاجز والطريق محبِط
فمن تعبي ومن زعلي
بشوفك فين وباتشعبط
بسلملك ومش بعرف
والاقي انك بتتصرف
وزي الطفل بارجعلك
واطيعك لما بسمعلك
دة حتى ان كنت مش فاهم
فانا واثق باسلملك
يمر الوقت واتعلم
بانك فيَّ مبتفشلش
لكن خططي واساليبي
بتتعبني ومبتفرحش
وزي الطفل لما بخاف
بنادي عليك
واجري لحضنك الدافي
وانام لما تشيلني ايديك
فلا ماضي بيتعبني
ولا قلقان على حاضر

ولا شايل هموم بكرة
ما دام ربي الأمين ساهر


أندرو مجدي - الإسكندرية

منقول