منتدى الفرح المسيحى - دور البيت في إدمان الإباحية

https://upload.chjoy.com/uploads/166054517608361.jpg

غالباً أول انطباع بيجيلنا لما نسمع كلمة بيت..
هو الراحة والأمان والدعم والحب والقبول والسند..
لكن للأسف الواقع مختلف جداً وفي بيوت كتير
مش أمان ومش مريحة ومش داعمة ومليانة صراعات
بين كل افرادها.. ودا في حد ذاته شىء مهدد
لاستقرار اي شخص نفسياً.. بالعكس دا ممكن جدا
يكون بيضغط عليه وبيساهم في دفعه لإدمان أي حاجة
من ضمنها إدمان الإبا*حية .. علشان كدا مهم الأسرة
تكون مكان آمن وحتى لو في مشاكل اسرية ضروري تتحل
وعلى الجانب الآخر من ضمن المشاكل الصعبة
اللي بتواجه الأسر هو انهم يكتشفوا إدمان فرد منهم
سواء الابن المراهق او الزوج او حتى الزوجة
ورغم انها فعلا صدمة وازمة كبيرة جدا الا أن الأسرة
او افرد البيت ضروري يتعاملوا مع المشكلة بحكمة
واحتواء للشخص اللي عنده المشكلة
لان دا بيسرع جدا من الشفاء والعلاج..
ايوة من حق كل عيلة تتصدم لما تكتشف ازمة زي دي،
لكن كمان ضروري يفضل البيت هو البيت! ..
هو المكان الآمن المريح اللي الشخص بيلاقي فيه
سند لما يقع في مشكلة او يعدي بضعف او ألم معين.