منتدى الفرح المسيحى - المرأة المنحنية (اسْتَقَامَتْ وَمَجَّدَتِ اللهَ)

https://upload.chjoy.com/uploads/154376816268171.jpg

في مزمور ٤٢، داود النبي قال جملة قوية خالص..."يَا إِلهِي، نَفْسِي مُنْحَنِيَةٌ فِيَّ"!!

انجيل لوقا (اصحاح ١٣) بيحكي لي لنا قصة واحدة ست كان جواها مرارة
و ضيق مفيش كلام يوصفهم...الست دي كانت فاهمة المزمور ده و مختبراه كويس جداً...
تخيلوا واحدة بقي لها ١٨ سنة ماشافتش بعنيها نور الشمس الصبح و لا جمال النجوم بالليل
...مش عشان هي عمياء...لكن عشان "ظهرها كان محني تماماً"...وشها في الارض بالقول و الفعل.
..مكسورة و محنية نفسياً و جسدياً...

كانت بتروح المجمع اليهودي كل سبت....عمر ما كاهن او لاوي قلبهم حن عليها
و قعدوا يصلوا معاها او حتي عبرّوها بكلمتين يطيبوا خاطرها و يجبروا بهم نفسيتها المكسورة...

لكن جاء اليوم اللي قدرت تصلي مش بس اول جزء من مزمورها المفُضل
، لكن كمان تسبح الله باخر حتة منه...
في اليوم ده قابلت ربنا يسوع..."وَإِذَا امْرَأَةٌ كَانَ بِهَا رُوحُ ضَعْفٍ ثَمَانِيَ عَشْرَةَ سَنَةً،
وَكَانَتْ مُنْحَنِيَةً وَلَمْ تَقْدِرْ أَنْ تَنْتَصِبَ الْبَتَّةَ. فَلَمَّا رَآهَا يَسُوعُ دَعَاهَا
وَقَالَ لَهَا:«يَا امْرَأَةُ، إِنَّكِ مَحْلُولَةٌ مِنْ ضَعْفِكِ!». وَوَضَعَ عَلَيْهَا يَدَيْهِ،فَفِي الْحَالِ اسْتَقَامَتْ وَمَجَّدَتِ اللهَ."!!!

لو الضعف مالي نفسك...روحك جواك محنية و مكسورة..
.بقي لك كتيير عينك شايفة بس الارض و مش قادرة تشوف نور السما.
...صراعات و اسئلة بلا اجابات جواك...احباطات من الناس و منه هو شخصياً.
..حتي لو من برة ظهرك باين مستقيم و مفرود، هو شايف إنحناءك الداخلي...
تعالي النهاردة و اطلب انك تقابله و يحط ايده الحلوة عليك، عشان تقوم
و تسبح مع داود و المرأة المنحنية مزمور ٤٢..
"لِمَاذَا أَنْتِ مُنْحَنِيَةٌ يَا نَفْسِي؟ وَلِمَاذَا تَئِنِّينَ فِيَّ؟ تَرَجَّيِ اللهَ،
لأَنِّي بَعْدُ أَحْمَدُهُ، خَلاَصَ وَجْهِي وَإِلهِي."🙏😊

#المرأة_المنحنية
#مزمور٤٢
#اسْتَقَامَتْ_وَمَجَّدَتِ_اللهَ☺️