منتدى الفرح المسيحى - إقبل وجعك واتصالح معاه

https://upload.chjoy.com/uploads/171075796729431.jpg

ليه فيه ناس مش مستوعبة وجود "الوجع"
في حياتها ورفضاه .؟!

الحقيقة إن :
.. Pain is necessary in your life
الألم حتمي وضروري في حياتك

فكرة انك تعيش طول حياتك من غير وجع أو ألم،
دي فكرة مش موجودة أساسًا .. ولازم تتصالح مع الفكرة دي ..
فكرة ان الألم حتمي وملوش بديل ،
بس الفرق بين شخص والتاني بين القبول والهروب

الفرق بين شخص عنده النضوج الكافي انه يجتاز وجعه بمسؤولية وصدق ويتحمل توابعه فيتعافي منه ..
وبين شخص بيهرب منه تحت اي مُسمي ،
ومُتخيل انه بكدة بيحمي نفسه منه
، لكنه في الحقيقة هو عايش جواه وبيكبر مع الوقت
، لغايه ما يتملك منه بصورة مُرعبة وكئيبة
ومدمرة لأعصابه وكل اجهزة جسمه .!

إقبل وجعك واتصالح معاه
، لأن التعافي منه هو مواجهته مش الهروب منه !