منتدى الفرح المسيحى - طوباك لو قابلت مسيح بيت حسدا

https://upload.chjoy.com/uploads/171329640776441.jpg

لسة فيه أمل .. وكُل شيء مُمكن !

مريض بيت حسدا ( المخلّع ) ملقيش حد يساعده ولا يحِّن عليه
كان موجوع نفسيًا أكتر من الوجَع الجسدي !
شعوره بالوحدة صعب ومؤلم جدًا ..
« يَا سَيِّدُ، لَيْسَ لِي إِنْسَانٌ »

محدش أنقذه من وجعه وسنين تعبه غير واحد بس ؛
"يسوع" أبو قلب حنيّن
ملقيش حد من اللي حواليه يجبر بخاطره
ويطبطب عليه غير قلب يسوع
- راح له وقال : " أتريد ان تبرأ يا عزيزي !"
.. نعم ياسيدي
- يالا قوم يا حبيبي خد سريرك وامشي

في لحظة كل الوجع وسنين العجز راح
في لحظة الحُزن بقي ضحك وانبهار وتعويض

مفيش حد هيشفي جرحك غير ربنا
مفيش حد هيشفي قلبك المخلوع من الفرح غيره !
ولازم يكون عندك رجاء وإيمان وصبر
ان مهما كانت تجربتك طويلة وتقيلة
لكن في لحظة هيتدخل وينهي الأمر بطريقته !

يسوع كان ومازال بيعمل مُعجزات مع اللي يعرفه واللي ميعرفوش
.. ومع اللي بـ يؤمن بيه واللي مش بـ يؤمن .!
لكن يا بخت اللي يتقابل معاه ويعرفه معرفة شخصية

مفيش حدّ مُمكن يشفيك من أوجاعك غير صاحب المُعجزات .
. وطوباك لو قابلت " مسيح بيت حسدا " .!