منتدى الفرح المسيحى - عكاز العشم مكسور

https://upload.chjoy.com/uploads/171270040722141.jpg

كتر العشم يصنع كتر الألم..
فبلاش تعشم فى الناس لان عكاز العشم عندهم مكسور
يسندك و يسعدك يومين ، و بعدين يوقعك على جدور رقبتك بقية عمرك ..

ادي الناس مشاعر و خدمة ، و لا تتعشم قوي فيهم ،
بدل ما تتصدم و تتوهم و تشعر بالتخلى و الخذلان و الخيانة ..

ح ينكروا حبك ، و ما يقدروش تعبك ، و ينسوا فضلك ،
و يمكن كمان ينقلبوا عليك و يدوقوا خيرك و يشكروا غيرك ..

الوحيد اللى تتعشم فيه و تتسند عليه
و و تتحامى فيه هو ربنا و بس ..

الناس تديك يوم ، و تعاديك ايام ، و ترفعك يوم ، و تنساك ايام و ايام ..
عكاز الناس خدعة و بهدلة ، خشبة مكسورة
و عكاز ربنا سند ليك العمر كله ..

إِنَّكَ قَدِ اتَّكَلْتَ عَلَى عُكَّازِ هذِهِ الْقَصَبَةِ الْمَرْضُوضَةِ (مكسورة) ،
عَلَى مِصْرَ (رمز للقوة ) ، الَّتِي إِذَا تَوَكَّأَ أَحَدٌ عَلَيْهَا دَخَلَتْ فِي كَفِّهِ وَثَقَبَتْهَا (تعورك من العشم الكاذب) .
هكَذَا فِرْعَوْنُ مَلِكُ مِصْرَ (الناس كلهم مهما كانت قوتهم)
لِجَمِيعِ الْمُتَوَكِّلِينَ عَلَيْهِ. (إشعياء ٣٦: ٦)