منتدى الفرح المسيحى - ثبت عينك على إلهك اللي ماسك بزمام الأمور

https://upload.chjoy.com/uploads/171420603228121.jpg

بتعدي في ظروف صعبة؟ 🤕
متقفلة من كل ناحية ومش لاقي مخرج؟ 🥺
يا ترى أنت شايف الظروف دي إزاي؟ شايفها مصدر حزنك وقلقك؟🕶️
ولا شايفها بنظرة مختلفة؟👓

في أعمال إصحاح ٢٦ بنشوف واحد مسجون
وبتحاكم بس سعيد وفرحان! ☺️
بنشوف بولس واقف بكل جراءة بُيحاكم قدام أغريباس
وفستوس الأشرار ولكن نستغرب لما قال
«إِنِّي أَحْسِبُ نَفْسِي سَعِيدًا أَيُّهَا الْمَلِكُ أَغْرِيبَاسُ
، إِذْ أَنَا مُزْمِعٌ أَنْ أَحْتَجَّ الْيَوْمَ لَدَيْكَ عَنْ كُلِّ مَا يُحَاكِمُنِي بِهِ الْيَهُودُ.»
(أعمال الرسل ٢٦: ٢).
إزاي يا بولس أنت سعيد وفرحان على الرغم
من إنك متقيد بسلاسل؟!⛓️

السبب إنه كان عنده نظرة مختلفة لسجنه وظروفه الصعبة👓.
كان شايف إن دي فرصة إنه يشهد عن إلهه،
وإزاي افتقده رغم شره، وإنه يشهد لملوك جايز محدش يكلمهم برسالة الإنجيل غيره🗣️. ومش بس كان سعيد
لكن كان نفسه إن كل اللى هيسمعوه يبقوا زيه -
يتبعوا المسيح- ولكن من غير سلاسل
وقيود حتى إن دا كان موضوع صلاته في سجنه🙏 (ع٢٩).

وأنت وأنتِ شايفين الظروف الصعبة اللى بتمروا بيها إزاي؟ 🤔

📌بنشجعك تثبت عينيك على إلهك اللي ماسك بزمام الأمور،
وتثق في كلام الكتاب "وَنَحْنُ نَعْلَمُ أَنَّ *(الله يجعل)*
كُلَّ الأَشْيَاءِ تَعْمَلُ مَعًا لِلْخَيْرِ لِلَّذِينَ يُحِبُّونَ اللهَ، الَّذِينَ هُمْ مَدْعُوُّونَ حَسَبَ قَصْدِهِ." (رومية ٨: ٢٨) ساعتها هتكون ليك نظرة مختلفة لظروفك الصعبة وهتعرف تبقى فرحان👓😃.