منتدى الفرح المسيحى - لو لسه مش حاسس بإيده فعلى الاقل ثق ان عينه عليك

https://upload.chjoy.com/uploads/171464229485371.jpg

مع ربنا كان الوضع مختلف تماماً وكانت ايده باينه بطريقة عجيبه
الاختيارات مريحه والبيئة خصبة والنفسيه في السما
اتأكدت انه مابيسبناش ، هو عينه علينا من اول الطريق لأخره
لا غابت ولا هاتغيب ..
وطول ماعينه عليك وارد ماتحسش بإيده في حياتك
فتفكرانك منسي ومتساب
لكن الموضوع غير كده تماماً
ايده بتدخل لما تكون رايح للخطر برجليك ،
هتلاقي حاجات عجيبه بتحصل وقرارات بتاخدها مش عارف بتاخدها ازاي
لكن بتلاقيها كلها خير ليك
هتلاقي ناس خرجت من حياتك وناس غيرها دخلت
هاتحس بالجبل اللي علي قلبك بيتشال
مين خرج الناس ؟ مين حرك الجبل ؟
مين طبطب مين عوض مين فتح ابوابه قدامك ؟
حرفيا هتلاقي حياتك بتترتب بشكل عجيب

لو لسه مش حاسس بإيده ، فعلى الاقل ثق ان عينه عليك