منتدى الفرح المسيحى - يا ابونا يسى بصمنى

انهاردة كان فيلم ابونا يسى ميخائيل بيتذاع على قناة سى تى فى

ولما شوفت الفيلم افتكرت ابونا يسى لما بشفاعته طلعت من الجيش

الموضوع انى لما كنت فى الجيش والكلام دا ليا وقت كتير جدا يعنى من سنة 2001

لما روحت اكشف علشان ادخل الجيش ...
انا عندى مشكلة فى عينى تخلينى ما ادخلش الجيش لكن اللى حصل ان الظابط اللى كان بيكشف عيون ضرب الولد اللى قدامى ضرب عنيف جدا علشان بيقولوا ان فى مشكلة فى عينه

الحقيقة انا خوفت اقوله وقولت انا عندى ادخل الجيش ولا اخد قلم واحد من دول ( كانت ايده بسم الصليب مالهاش حل )
المهم كشف وقال ان ماعنديش مشكلة ..
المهم دخلت الجيش وبعد ما اتوزعت على مركز التدريب قابلنى شاب قصير كدا وقالى انت ازاى دخلت الجيش وعينك كدا

قولتله اللى حصل ... قالى لازم تقدم تظلم وفعلا روحت قدمت تظلم وبعدين فى اليوم دا وانا بصلى قبل ما انام جالى زى صوت داخلى كدا قالى .....
قول مزمور يستجيب لك الرب يوم شدتك وقول ابنانا الذى وقول يا ابونا يسى بصمنى

بالفعل دا حصل وبعدها قبضت اول مرتب ليا فى الجيش وروحت قولت لابونا يسى

المرتب دا انا مش هلمسه زى ماهما كدا انا هشيلهم فى الاجبية لو خرجتنى هيبقوا بتوعك

ويجى يوم الكشف الطبى وصف الظابط كان عنده اقتناع انى هخرج .. خلانى اقف رقم 12 فى الصف علشان الحق اكشف وجه دورى وعملت زى ما سمعت بالظبط ...
صليت مزمور يستجيب لك الرب يوم شدتك وقلت لأبونا يسى بصمنى ودخلت للدكتور

كشف على عينى ... يمين شمال .... قوم ابصم

وفعلا خرجت وفى وقت قياسى جدا ... اى حد بيخرج بستنى جوا مركزالتدريب لحد ما تطلع الشهادة لكن اللى حصل معايا انهم خرجونى على طول

كدا فاضل ابعت الطلب بتاع ابونا يسى

المكان بعيد عنى وانا عاوز ابعتهوله فى مكانه فى طما

قلت لأبونا يسى (شوف يا ابونا انا مش هقدر اجى دلوقتى لو انت مستعجل عليه ابعت حد ياخده )
وفعلا تانى يوم كان فى واحد بيتعامل مع والدى من طما .. فبقوله هو حضرتك بتروع عند ابونا يسى ..... قالى بصلى هناك كل يوم حد وتقريبا كان يوم جمعة او سبت مش فاكر الحقيقة ... قلتله طيب وصل الطلب دا .

وفعلا بعدها بيومين تقريبا لقيته بيتصل بوالدى وبيقولى الطلب وصل

انا مش فاكر ان كنت كتبت الكلام دا ولا لاء

لكن قولت حتى لو كنت كتبته هكتبه تانى

(على فكرة انا عيد ميلادى نفس يوم نياحة ابونا يسى ميخائيل)

شفاعة ابونا يسى تكون معانا

كان فى واحد بيتعامل مع والدى من طما