منتدى الفرح المسيحى - تكات وحركات مهمة لبيتك

https://upload.chjoy.com/uploads/163074849366181.jpg

💛القمصان البيضا او الملونة قبل ماتحطيها فى الغسالة ادعكى الاساور والياقات بشامبو او بصابون بريحة بتزيل بقع العرق

ولو القمصان بيضا ادعكى الاساور والياقات بنشادر وعصير ليمون 🍋وهتبقه بيضه زى الفل👍👍

💜الحبوب والبقع اللى فى وشك سايباهم ليه كدا هاتى معلقتين زبادى ومعلقة بن وتخلطيهم وتدهنى وشك الصبح وبالليل والنتيجة مفيش حبوب ولا بقع وهيبقى وشك زى القمر ❤

❤عيون البوتجاز اسودت وعايزة ترميها اوعى 😮هاتى ازازة خل صغيرة و2جنيه كربوناتو وتنقعى العيون فيها ليلة كاملة وتقومى الصبح تدعكيهم بالسلكة والصابون هيرجعوا جداد و الريحة ياسلام

💝شعرك جاف وصعب السيطرة عليه لازم تعملى حمام زيت أسبوعيا وكمان هاتى زبادى ومعلقة حمام كريم ومعلقة مايونيز وتحطيم على شعرك قبل الغسيل بساعتين وبعد كده اغسلى شعرك ودايما ترطبيه وياريت بلاش تستخدمى الشامبوهات الرديئة والرخيصة وابعدى عن الصبغة وكريمات الفرد لانها بتدمر الشعر

🙈الشفاط واه من دهون وزيوت الشفاط هاتى لتر ماء مغلى 👅مع 4معالق كبيرة من النشادر واخلطيهم على بعض وهاتى نصف الكمية واسكبيها على أجزاء الشفاط💮💮وسبيها شوية وبعد كده بلى الاسفنجة بكمية المعجون السابقة وتدعكى الشفاط وتشطفيها بماء وسائل صابون 💐💐

💚لتنظيف أظافر الرجل والايدى عصير ليمون مع معجون اسنان وادعكى بفرشة اسنان قديمة ودايما تدهنيهم بزيت لوز حلو

💖التلاجة وانتى بتغسلي هاتى بخاخة وحطى فيها خل مع ماء وترشى وتمسحى الارفف تلاقيها نظفت وريحتها بقت جميلة وياريت الخطوة دى تبقه مرتين فى الأسبوع

💛بشرتك دهنية مش نسينك هاتى معلقة بن ومعلقة عسل نحل🍯 وتحطيهم على وشك كسكراب وتدعكى وشك وبعد كده تشطفى وشك بماء دافئ هذا الماسك رائع للتخلص من الخلايا الميتة والتخلص من دهون البشرة

❤عايزة تغسلى الغلاية(الكاتل )هاتى خل +ماء +ملعقه صغيره ملح ليمون وأغليهم مع بعض وبعد كده اشطفيها هتبقا زى الفل

💘- عارفة شوية المايه اللي بيكونوا ع وش علبة الزبادي دول .🙈. مش ترميهم .✔. هاتيهم واعصري عليهم نص ليمونة🍋 وامسحي بيهم وشك وسيبيهم لغاية م ينشفوا أو نامي بيهم ع وشك عادي .. دول بيشيلوا تصبغات الشمس🌞 وبيضيقوا المسام ويعالجوا مشاكل البشرة الدهنية ... وللبشرة الجافة والحساسة حطي المايه دي من غير ليمون 😉 😉

💚 لو عندك كريم بشره منتهي الصلاحيه مش ترميه امسحي بيه الخشب هيديكي ريحه حلوه ...❤️

💛