إنت عندي أهم مني ......
جمله خطفت روحي مني
جمله شالت حمل عني
اصل ده إحساس جمعنا.. فاكرة يوم لما اتفقنا
إن نبقا لبعض ... مهما حاولت الدنيا تفرقنا
وإن مهما الدنيا حلفت لتزود في خوفنا
نبقي حضن لبعض ...اه رغم إختلافنا
نبقي قصه في الهوى يحكيها اي حد شافنا
وابقي ليكي في الحياه.. ضهر وسند
وابقي ليكي كل شئ
زوج .. حبيب .. اب .. وولد
ده انتي قلبك البرئ
بين إيديه حلمي اتولد
ياللي ف عنيكي الطريق
غصب عني بيتوجد
اه غصب عني...
قوه عدت كل شئ
قوه خطفت عقلي مني
إنتي عندي أهم مني.