[الشاعرة القبطية]

يارب إلتفت لمعونة شعبك

مصر بتجرى وراك
نفسها تمس ثوبك وتأخد رضاك
حن عليها بمجدك
وأعلنه لشعب طيب الأعراق

إلتفت وأمسك إيديها
قومها من النكسة إللى فيها
يارب دى هى أرضك
إللى خطت رجلك عليها

لو الإضطراب ماليها
والخوف والقلق مسيطر عليها
تقدر يارب ما أنت قلبك
يساعى الملايين إللى فيها

لو البحار هاجت علينا
لو الجبال إنشقت من حوالينا
بإشارة منك وبأمرك
تعود زى ماكانت لينا

قرارتنا كلها فى إيديك
الصالح بتعمله لراعيك
والأمور الأرضية عندك
محلولة ومش صعبة عليك

يارب إلتفت لمعونتنا
ملناش غير رحمتك إنت
متسيبناش فريسة بعدلك
تعالى من الذئاب وإنقذنا

إحنا ولادك صنعة يديك
خلاص تعبنا وبننادى عليك
عشان تيجى وتدلى برأيك
تصلح العيوب وتخلق مصر من جديد

عايزين علمها يبقى مرفوع
بالعدالة والحرية لكل الجموع
والظلم والفساد والقهر لشعبك
ينتهى من غير رجوع

إسمع صلوات كل المصريين
سواء مسيحين أو مسلمين
إنت شاملنا يارب بحبك
وملناش غيرك معين


بقلم / الشاعرة القبطية
كرستين ميلاد