الموضوع
:
متفقدش اغلي ما في شخصيتك
عرض مشاركة واحدة
رقم المشاركة : (
1
)
30 - 07 - 2022, 07:23 PM
walaa farouk
..::| الإدارة العامة |::..
الملف الشخصي
رقــم العضويـــة :
122664
تـاريخ التسجيـل :
Jun 2015
العــــــــمـــــــــر :
الـــــدولـــــــــــة :
مصر
المشاركـــــــات :
353,376
متفقدش اغلي ما في شخصيتك
بطبيعة الحال في مبادىء وصفات إيجابية معينة..
بنبذل مجهود كبير عشان نكتسبها ونتعلمها زي مثلا..
بنجتهد كتير عشان نتعلم (الصبر)
الصبر على نفسنا وتطورها وعلى الناس اللي حوالينا
اللي مصدقين فيهم وواثقين فيهم انهم هيبقوا أحسن مع الوقت،
وبنفس الفكرة بنجتهد نتعلم نستمتع بالاشياء
وخصوصا الاشياء البسيطة والنعم الكتير اللي حوالينا
واللي مش بناخد بالنا منها احيانا كتير لكنها قادرة تبسطنا وتشجعنا
وزي برضو العلاقات، العلاقات القوية والقريبة منها
اللي بنجتهد فيها طول الوقت وعلى كذا مستوى
علشان تفضل مشبعة لينا وتفضل بتساعدنا نطلع لقدام
مش نرجع لورا.. وهكذا في حاجات كتير،
وبعد كل التعب والمجهود دا ييجي بقى (الإدمان)
ويفقدنا الامور الغالية دي اللي تعبنا فيها علشان نبنيها
ونتعلمها زي مثلا الصبر دا،
أيوة الإدمان بيفقدنا الصبر وقدرتنا على انتظار اي حاجة
بعد ما المخ خلاص بيتعود على المتعة اللحظية
اللي بتجيله بسرعة جدا من غير اي احتياج للانتظار
فبيفقد قدرته على الانتظار تدريجيا لاي حاجة بعد كدا
وبنفس الطريقة مع الوقت الإدمان بيفقدنا متعتنا بالاشياء
مش بس الاشياء البسيطة بقى لكن كمان حتى الأمور الكبيرة
المهمة اللي بطبيعة الحال قادرة تبسطنا وتشبعنا
لو كانت في وقتها ومكانها الصح زي الج*نس،
إدمان الإبا*حية بيفقد الشخص متعته بالج*نس الطبيعي
مهما كانت باقي العوامل المساعدة متوفرة..
وأكيد طبعا التأثير بيمتد للعلاقات..
ببساطة مفيش مُدمن إبا*حية علاقاته القريبه سليمة ومشبعة،
لازم هيتاثر سلبيا وهيفقد علاقات غالية في حياته
أو على أقل تقدير هيكون فيها صعوبات
يمكن الوعي بالتأثيرات الكبيرة دي على حاجات مهمة في حياتنا
يساعد في التراجع السريع أو كمان امتلاك شجاعة كافية
بعدم الدخول في الدايرة دي من الأساس.
الأوسمة والجوائز لـ »
walaa farouk
الأوسمة والجوائز
لا توجد أوسمة
بينات الاتصال لـ »
walaa farouk
بينات الاتصال
لا توجد بينات للاتصال
اخر مواضيع »
walaa farouk
المواضيع
لا توجد مواضيع
walaa farouk
مشاهدة ملفه الشخصي
إرسال رسالة خاصة إلى walaa farouk
البحث عن كل مشاركات walaa farouk