أنا مين؟؟؟!
أنا متعمّد وابن يسوع
أنا بوعظ أفراد و جمـوع
أنا مـليان بركات وخـشوع
أنا موجود وعليَّ العين!!
بين الناس .. ليا مـقام
في القداس .. مقبلش كلام
مانا شماس بأسـاس ونـظـام
أنا غير باقي البنآدمين!!
أنا بخدم أولاد وشباب
وأمسك أسـرة درس كتاب
و بنـــظّم دورات ألـعاب
وأعمل رحلات للشاطرين!!
وأنا على فكره بقى فنان
و بمثّل , وبـغنيّّ كــمان
وبدرّس قــبطي وألـــحان
أنا شـاعر .. بكتب دواوين!!
أنا خاطي لكنْ مش نادم
مانا في الظاهر أعظم خـادم
ده يمكن أكون الكـاهن القادم
مانا بعرف أظــهر مسكين!!
أنا متجدد, أنا موهـوب
أنا مـتودد, أنا مـــحبوب
أو متشدد .. أو مـــــرهوب
حســب الـدفّة رايـحة لفين؟!!
أنا كلمنجي .. أنـا متسلّق
أنا محــورجي .. أنا متملّـق
أنا مشــهور.. أنا مــتآلِــق
أنا ع القمة.. مــع الفايزين!!
طبعا وضحت أنا مين أكون..
بلـــمع وأخدع أيّ عيون..
وقلبي الفاضي صـــار ملعون
أصل أنا أبقى من الملاعيــــــــن
أصل أنا أبقى شجـــــرة تـــيــــن..
للدكتور بشرى عجبان
هذه القصيده للخادم الظاهرى المرائ
اللى بيخدم لكن قلبه فاضى اللى بيقول لكن مش بينفذ
ربنا يحعلنا خدام امناء نخدمه بكل امانه