جايز أكون واحد زي كتير بيطلبو
مشاكلي مش كتير
وجايز مشكلتي بالنسبة لناس تانيه متبقاش مشكله
.... بس أعذرني انا لسه صغير طاقتي صغيره معرفش أشيل حاجه تقيله عليا
ولو جربت أشلها جايز أشلها غلط تمزقني
او أشلها واقع بيها فتكسرني ,أيوه الكسر مع الجبس هيلم..........بس وجع الكسر هيفضل ألمني
طيب هو انت شايف اني قدها!!!! أمال ليه انا تعبان كدة؟؟؟ ليه مش مش عارف ولا قادر أكمل
أكيد ضعف مني.....
بفكر في حاجه
طيب ينفع أطلب ....
مش كبير بس عميق وعمقه هيأثر فيا
انا عارف ان ممكن الاجابه متعجبنيش.... عارف كمان ان ممكن ميكونش وقتها
بس عندي يقين ان محدش بيعيش كدة..
هو لو مش عاوزها خالص بلااااش :s:s:s
طيب ينفع نتفاوض!!!!! نتفاوض مش عاوز اجابه ...... بس عاوز
أحس أنك معايا
سامعني.. حاسس بيا مش زعلان مني
مجرد الأحساس هيفرق معايا ...هيأثر فيا أوي... ممكن كمان يغير فيا حاجات فاكر اني مش هتعالج منها و هموت بيها
أقوللك علي سر
بقيت أخاف من نفسي.. مش عليها ..... أخاف لمتعرفش تصبر أكتر من كدة
انا مكسوف منك ,بس أنا بردو يعني
!!!! هطلب من مين لو متلبطش منك
ماهو مينفعش أشكي لحد غيرك وأنت ضابط الكل
عودتني علي كدة بتاخد بالك مني في كل حاجه
بشوفك معايا في كل خطوة وكتير خطاويك بتبقي مسبقاني بس بردو في حاجه ناقصه الصورة عندي مش واضحه
سامحني
لو زنيت ودوشتك ..
سامحني عن ضعف أيماني
انا انسان .... يعني عقلي علي قدي وقلبي صغير صدقني مش أعذار
أنا فعلا تعبان
أحساس الجفا والبرود جوا مني هيموتني
منكرش
اني سبب رئيسي في الأحساس دي .... بس انا بردو صعبان عليا منك
!! هو انا مش أبنك!!! مش حبيبك
شد أيدي
قومني
أرفعني
زقني
مش قادر اقوم افتح الباب
جوايا مشاعر متناقضه..
لكن صدقني وسط كل المشاعر دي
...... عندي يقين انك مش ناسيني
متزعلش مني علي مشاعري .دي ...........لكن انا مقدرش أخبيها عنك