[sama smsma]

حظك اليوم 19 / 10 / 2012

ملاك الرب يحمل ليك احلى رسالة من يسوع







برج الملايكة 21/3 الى 20/4

الرب الهى بيقولك
افرح دايما يابنى وانت معايا
ماتشيلش الهم انا هاهتم بكل مشاكلك






برج الودعاء 21/4 الى 20/5

الرب الهى بيقولك
هاتسمع خبر حلو يفرح قلبك
وتلاقى حالك اتبدل للاحسن
منا ابوك السماوى اللى دايما بحب ليك الاحسن






برج القديسين 21/5 الى 20/6

الرب الهى بيقولك
انت عارف انى بحبك .
وانا عارف اللى بتفكر فيه .
يبقى لية حزين .
سيبنى اجهزلك احسن عطية عندى واجملها من اجلك
واقدمهاك هدية فى الوقت المناسب .
فبلاش تتضايق وسيبها عليا .
دة انا اله المستحيلات





برج المعترفين 21/6 الى 20/7

الرب الهى بيقولك
من امتى وانا مش جنبك وعينى عليك
ماتشيلش الهم واتطمن






برج حاملى الصليب 21/7 الى 20/8

الرب الهى بيقولك
حياتك كلها بين ايديا
انا عارف الصالح ليك فين
اوعى تتذمر






برج الكارزين بالكلمة 21/8 الى 20/9

الرب الهى بيقولك
بحبك ودايما بختار ليك الصالح
بلاش عناد واقبل باللى بقدمة ليك
لان عمرك ما هاتندم من اختيارى لانى بحبك







برج العذارى الحكيمات 21/9 الى 20/10

الرب الهى بيقولك
كن معايا بقلبك وفكرك
اكون معاك فى اى ضيق وتعب
واقدملك اكتر ماتتمنى كمان







برج المجاهدين 21/10 الى 20/11

الرب الهى بيقولك
فى طريقك وانت ماشي
خطواتى هاتكون سابقة خطواتك
وعمرك ماهاتقع ابدا فى اى تجربة صعبة
الا وهاكون معاك فيها







برج الاطهار 21/11 الى 20/12

الرب الهى بيقولك
ماتحملش الهم لاى مشكلة تقابلك
مسيرها هاتنتهى
لكن فى وقتها خلى قلبك معايا
وانت هاتشوف كل العجائب فى حلها







برج البسطاء 21/12 الى 20/1

الرب الهى بيقولك
اى ضيقة تقابلك
اطلب انى اكون معاك فيها
مش اى حد تانى
لانى بحبك وعارف اللى يريحك فين
بس انت اطلب






برج خدام المسيح 21/1 الى 20/2

الرب الهى بيقولك
شايلك جوة فى عينى
حامل كل مشاكلك
وفى ضيقك عينى عليك وبقويك
فقط ثق فيا







برج الحكماء 21/2 الى 20/3

الرب الهى بيقولك
خليك دايما معايا فى طريقى
وماتعملش حاجة تزعلنى
علشان اكون معاك فى طريقك واسندك وافرح قلبك