شخصيات كتابية نتعلم منها {تلميذا عمواس}

[walaa farouk]

تلميذا عمواس



ذكر معلمنا لوقا في إنجيله ان اسم أحدهم كليوباس والتقليد يذكر ان الثاني
هو لوقا الانجيلي نفسه ولم يذكر اسمه بسبب اتضاعه زي ما لم يذكر يوحنا الانجيلي
اسمه وكان يذكر التلميذ الآخر
يوم شم النسيم يعني بعد القيامة بيوم حدثت المقابلة بين التلميذين والمسيح له المجد
تعالوا نتأمل في المقابلة وايه اللي حصل من التلميذين ونتعلم
1- التلميذين والنظرة الخاطئة
برغم انهم كانوا تلميذين للرب أكتر من 3 سنين لكن أملهم في يسوع انه مخلص أرضي
إنجيل معلمنا لوقا 24: 21
وَنَحْنُ كُنَّا نَرْجُو أَنَّهُ هُوَ الْمُزْمِعُ أَنْ يَفْدِيَ إِسْرَائِيلَ
2- التلميذين المحبوبين
قرر التلميذين انهم يتركوا التلاميذ ربما خوفا من اليهود أو يروحوا بلد بعيدة بعيد عن الأحداث
لكن ظهور الرب ليهم علشان يرجعهم دلالة على انهم محبوبين لربنا يسوع له المجد
وفهمهم الكتب وبين ليهم النبوات
3- التلميذين والقلب الملتهب
زي ما عرفنا امبارح ان الشفرة الروحية اللي عرفت بيها مريم المسيح له المجد هي اسمها
والشفرة الروحية اللي عرف بيها التلميذين المسيح له المجد هو الافخارستيا
لم اخد خبز وكسر وشكر واعطاهم
اتفتحت عيونهم وعرفوه
ورجعوا للتلاميذ يبشروا بالقيامة
تعالوا نطبق اللي اتعلمناه
1- اسأل نفسك ما هي نظرتك للمسيح له المجد
مين هو بالنسبة لك؟ هل هو مسيح المصلحة ؟ مسيح الضيق ؟
ولا الأب الخصوصي اللي بيحبك؟
2- استثمر حب ربنا ليك انك تزيد من فضائلك وتكسب الناس للمسيح
لأن اللي يحبه ربنا يعطيه حكمة ونعمة في عيون الناس حتى في وقت ألمه وتجربته
3- التصق بربنا أكتر واثبت فيه باللجوء للشركة معاه في سر الافخارستيا
لأنه قال من يأكل جسدي ويشرب دمي يثبت في وأنا فيه