صلاة جميلة ينفع تتعمل كتاب للاربعين لو السنوية

[george_sobhi]

ينبغى ان نصلى كل حين ولانمل ( لو 18 : 1 )
ذوقوا وانظروا ما اطيب الرب ( مز 34 : 8 )
الصلاة هى سند وعضد العالم مصالحة مع الله ام وبنت الدموع كفارة الخطايا قنطرة لعبور التجارب سور للتحصن ضد البلايا عمل الملائكة نبع الفضائل نجاح خفى طعام النفس استنارة العقل
الاب يوحنا الدرجى
حياة الصلاة جميله وبتعطى فرح وسلام هى مفتاح نفتح به الفردوس وناخذ اللى احنا عايزينه من ربنا حسب ارادته ومشيئته الصلاة هى صله بربنا وهى الباب الوحيد اللى نقدر ندخل منه ونقعد مع ربنا الباب اللى ندخل منه للفردوس ونقعد مع رب المجد ونتكلم معاه لان الواحد لما بيقعد مع ربنا قعده حلوه ويتكلم معاه بيحس انه فى الفردوس
واى انسان فينا لما بيحب واحد بيحب يشوفة دائما ويتكلم معاه علشان بيحبه وبيقول انا لما اتكلمت مع فلان ده فى ضيقتى او مع صديقتى دى طلعت كل اللى عندى وارتحت فما بال مع ربنا لما نقعد معاه ونتكلم ح ناخد فرح كد ايه وسعاده كد ايه
وفى القعاد مع ربنا ح ناخد منه فضائل حلوه وح ناخد صفات منه زى الانسان لما بيعاشر انسان ياخد منه لاشعوريا طبعة لفظه او كلمه كذلك لما نقعد مع ربنا بناخد من صفاته اللى هى السلام .. الفرح .. المحبه .. العطاء .. البذل
والصلاه مصدر لشفاء امراضنا الروحيه والنفسيه والجسديه
يقول معلمنا بولس الرسول الى اهل افسس
مصلين بكل صلوه وطلبه كل وقت اف 6 : 18
ح تقولوا احنا فى العالم يا امنا هو احنا رهبان ح اقول لكم صلوا ولو كلمتين بساط فى العربيه صلاه ربنا يسوع المسيح :
ياربى يسوع المسيح ارحمنى
ياربى يسوع المسيح خلصنى
ياربى يسوع المسيح انا اسبحك
ياربى يسوع المسيح انا امجدك
واشوف حاجه حلوه اشكره عليها وامجده عليها واسبحه
ولو الواحد حافظ مزامير يقول وهو فى العربية وهو ماشى رايح جاى يقوم لما يقف يصلى يبقى الصلاه بعمق وروح لانه طول النهار بيعمل ايه ؟ بيكلم ربنا
ومعلمنا بولس الرسول فى رسالته الى اهل كولوسى بيقول لنا عن الصلاه
واظبوا على الصلاه ساهرين فيها بالشكر كل4 : 2
ايه شروط الصلاه
انها تكون بعمق وانسحاق واهم حاجه تكون من القلب ما تبقاش فرض او قانون او تاديه واجب لأ انا اصلى وانا فرحانه وفى عمق واحس ان انا فى حضره ربنا يعنى العشار قال كلمتين اللهم اغفر لى انا الخاطئ بس قالهم بانسحاق وبعمق وذهب مبررا وربنا قبل صلاته اكتر من صلاه الفريسى اللى قال له انا باعمل واسوى
طب احنا ساعات بنبقى فى دوامه المقابلات والشغل والناس فازاى اصلى بعمق
الواحد علشان يصلى بعمق لازم يعمل فتره استعداد قبل الصلاه علشان يخرج بها من الدوامه اللى هو فيها
اولا يقرأ اصحاح من الانجيل يقول لحن يقول ترتيله حلوة يعمل شويه ميطانيات
الصلاه المفروض نقف فيها وصدقونى لما الواحد يصلى بعمق ينسى كل تعبه يعنى ما يحسش انه تعبان لكن لو التعب زياده علينا ممكن نقعد شويه ونقف تانى ونكمل الصلاه بعمق
ولما نصلى المزامير نصليها بتامل وعمق ازاى ممكن نلحن المزمور او اقوله بصوت اسمعه ولو مفيش وقت نصليها بعمق بسرعه بس ما نتعودش على كده
وفى صلاتى اشعر ان انا اول الخطاه واشعر بضعفى واحتياجى الشديد اليه لانى بدون ربنا ما اقدرش اعمل شئ واحس بمحبه ربنا و صبره على بالرغم من تقصيرى
فى الصلاه اعطى ربنا كل مشاعرى وابعد عن تشتت الفكر لا كتير مخنا بيشرد والشيطان يعاكسنا لما يحصل كده لو كان عندى وقت ابدأ المزمور من الاول ولو ماكنش عندى وقت اكمل بس بعمق يعنى ممكن الواحد يقول المزامير بلحن بصوت او يقول اى صلاه ارتجاليه بصوت مسموع فيتشد ومايسرحش لايمين ولاشمال ويبقى مبسوط بالكلام
الصلاه تحتاج مننا الى جهاد لان ساعات الواحد ممكن يبقى زهقان وعنده ضجر ومش عايز يصلى او يقرأ فى الانجيل او يشتغل الشغله دى وممكن لما نبدأ نصلى الشيطان يحاربنا ويجيب لنا كسل وصداع وسخونه الحاجات دى كلها حرب ولازم مانطوعهاش ونقاومها وهنا يدخل الجهاد الواحد يغصب نفسه زى معلمنا بولس الرسول لما يقول جاهدت الجهاد الحسن وزى القديس ماراسحق المصلى بكمال بيبقى مات عن العالم كله يعنى مافيش حاجه فى مخه غير الصلاه
تكون الصلاه بثقة وايمان
كل ما تطلبونه فى الصلاه تنالونه مت 21 : 22
ونثق ان ربنا هو ضابط كل شئ وقادر على كل لانه قال اسألوا تعطوا اطلبوا تجدوا اقرعوا يفتح لكم مت 7 : 7
هو قالها على الروحيات وبرضه ما يمنعش طلب الماديات ان كان شغل ان كان مشكله ان كان اى شئ ونقول له انت قلت اطلبوا وقولك حق وصدق ولكن لتكن لا ارادتى بل ارادتك لو 22 : 42
تكون الصلاه من قلب نقى خالى من الحقد والبغضه والحسد والغضب وشهوات العالم والاهتمامات الماديه فربنا يقبل الصلاه وهو قال
صلوا لاجل الذين يسيئون اليكم ويطردونكم مت 5 : 44
يعنى لما نقول يارب اهدى فلان وسامحه وسامحنى فربنا يعطى محبه للطرفين ويتقابلوا مع بعض والمشاكل تحل فى الحقيقة الصلاه اللى بعمق تتحس وتتداق وما تتشرحش ولا الواحد يعرف يتكلم عنها ولما الواحد بيدخل للعمق فى الصلاه بيلاقى تعزيات كتيره واول حاجة الواحد لما يقف يكلم ربنا يحس انه هو وربنا بس لافكر ولاشغل ولاحاجة يحس انه ضعيف ومسكين ويقول لربنا ادينى ازاى اصلى
الانسكاب قدام ربنا فى صلاه بعمق يعطى للواحد نقاوة وبساطه ومحبه واحتمال وصبر ويعطيه كل حاجه حلوه من غير ما يشعر بتعب والقديسين با ستمرار كانوا يكلموا ربنا فى الشغل يعملوا كل امورهم من اجل ربنا علشان كده ربنا ساعدهم ووصلوا للعمق فى الصلاه
ياريت تبقى الصلاه نمره واحد فى حياتى يعنى لما ح انام بدرى ساعه ح اصحى بدرى ساعه فاقدر اصلى براحتى وكانوا الراهبات الكبار زمان يقولوا الصلاه البدريه محروسه من الشيطان
فكنت اقول يعنى ايه محروسه من الشيطان لان الواحد بيقوم الصبح ومخه لسه ما تعبش بمكالمه تليفونيه ولابمشكله او بخبر فيبقى الواحد ذهنه صافى فيقدر فيقدر يرفع قلبه لربنا ويصلى كويس
فياريت كلنا ناخذ التدريب كل ماننام بدرى ساعه ح نصلى بدرى ساعه دى نستفيد بها مع ربنا وبعدين ح تقعد معانا طول اليوم الصلاه البدريه دى تلازمنى فى الشغل افكر فى ربنا فى الشارع فى المواصلات لان الكتاب بيقول الذين يبكرون الى يجدوننى
فكل ما الواحد يجى على نفسه سواء فى الصلاه او فى الجهاد فى اى فضيله ربنا بيعمل ايه بيعزيه ويشجعه ويقف معاه هل تفتكروا ان اى واحد فينا عنده فضيله او اى حاجه كويسه من نفسه لأ هو بينوى وربنا يشوف اشتياقاته ويعطيه اكثر مما يطلب ومما يشتاق واللى يكلم ربنا عن الناس افضل من اللى يكلم الناس عن ربنا يعنى اللى يقعد يصلى من اجل الناس هو ح يستفيد وربنا يستجيب اكثر لطلباته

[george_sobhi]

طوبى لمن يتعطف على الفقير فى يوم الشر ينجية الرب

لاتحجب وجهك عن فقير وحينئذ وجة الرب لايحول عنك

اكرم اباك وامك لكى تطول ايام حياتك على الارض ويكون لك خير

الصدقة تنجى من الموت ولاتدع النفس تصير الى ظلمة

لاتزن لاتسرق لاتشهد بالزور ( لاتكذب )

فيقول الملك للذين عن يمينة تعالوا الى يامباركى ابى رثوا الملكوت المعد لكم
لانى جعت فاطعمتمونى كنت مريضا فزرتمونى كنت عطشانا فسقيتمونى كنت عريانا فكسوتمونى

طوبى لمن يتعطف على الفقير فى يوم الشر ينجية الرب

[george_sobhi]

اكرموا الجميع اكرموا الرؤساء لان كل سلطان من الرب
ورئيسا فى شعبك لاتقل فية سوء

[george_sobhi]

نتضرع اليك يارب من اجل بلادنا بان تباركها اذكر وعدك بالبركة لشعب مصر افض خيراتك عليها وامنح ارضها خصبا بارم مزروعاتها ومحصولاتها ووسع تجارتها واملأها بالخير والبركة وزد وسائط التقدم والمعرفة فيها بارك مدارسها واعط معلميها حكمة وإرشادا وطلبتها فهما ونجاحا لتكون وسائط لمجد اسمك الاقدس بارك رئيسانا وكلله بالنعمه والحكمة رافق الحكام والرؤساء بنعمة العدل وليكن خوفك قدام عيونهم

[george_sobhi]

كرسى الملك يثبت بالرحمة للفقراء والمساكين والضعفاء

[george_sobhi]

عمل الرحمة

 " طوبى للرحماء لانهم يرحمون" مت 5 : 7
" فكونوا رحماء كما ان اباكم ايضا رحيم " لو 6 : 36
عمل الرحمة هو اقصر طريق للسماء عمل الرحمة اساسه ربنا يسوع المسيح نفسه لانه كان يجول يصنع خيرا للجميع يشفى المرضى يعزى الحزانى ويشبع الجياع
ويقول معلمنا يعقوب فى رسالتة
"الديانه الطاهره النقية عند الله الاب هى هذه افتقاد اليتامى والارامل فى ضيقتهم" يع 1 : 27
ونقرأ فى سفر اشعياء
"تعلموا فعل الخير اطلبوا الحق انصفوا المظلوم اقضوا لليتيم حاموا عن الارمله " اش 1 : 17
عمل الرحمة معناه المحبه يعنى واحد يقف مع غيره فى ضيقته معنى كده ان اللى يرحم غيره ربنا يرحمه ففى الاجبية فى صلاه نصف الليل يقول
ليس رحمة فى الدينونة لمن لم يستعمل الرحمة
والزيت اللى فى اوانى الحكيمات فى مثل العشر عذارى هو طبعا الاعمال الصالحة ونمره واحد عمل الرحمة فالشخص اللى بيعمل رحمة بيدخل مع رب المجد الى العرس السماوى
عمل الرحمة دا علامة على صدق المحبة واحد بيرحم بيقف بجوار اخوه ابجوار اخوه التعبان فيبقى عنده محبه صادقة فعلا وممكن واحد يقول انا باحب فلان لكن لو حصل لفلان تجربة او ضيقة وتخلى عنه فى وقت الضيقة دى مش محبة
ومعلمنا يوحنا الانجيلى فى رسالته الاولى بيقول ايه
يا اولادى لانحب بالكلام ولاباللسان بل بالعمل والحق1يو 3 : 18
يحكى لنا بستان الرهبان عن راهب كان عنده 3 خبزات فى المغاره وكان فى زمن جفاف النيل وكان الناس يروحوا ياخدوا من عنده الخبز فوزع اخر 3 خبزات وقعد 3 ايام جعان وبيصلى من اجل الجفاف فظهر له الملاك وقال له مادام اعطيت كل ماعندك فطول حياتك مش ح يكون بعد كده جفاف وخلص الجفاف ونزل الرخاء
فالواحد لما يعطى لربنا ربنا يعطى له والواحد ما يفتكرش انه بيعطى من عنده ربنا بيكافئ اضعاف الاضعاف

زى حكاية القديس الانبا اغاثون
الانبا اغاثون كان ساكن فى مغارة وهو بيحب يعمل رحمة كتير وكان الرهبان بينزلوا يبيعوا الشغل بتاعهم ويعيشوا بجزء منه ويتصدقوا بالباقى فالانبا اغاثون اخذ القفف ونزل يبيعها فى السوق فقابله فى الطريق واحد عنده جذام وده مرض معدى بياكل الاطراف ويخلى الواحد فيه قروح على طول ومنظره صعب جدا والشخص اللى عنده جذام بيبقى متالم فقال له المجذوم خدنى معاك للمدينه فحمله لغاية المدينه ولما وصل قال له المجذوم خدنى معاك للسوق فاخده ولما باع عمل يديه
المدينه ولما وصل قال له المجذوم خدنى معاك للسوق فاخده ولما باع عمل يديه سأله المجذوم انت بعت الشغل بكام فقال له بكذا فالمجذوم قال له اشتر لى شبكة فاشترى له فرجع وطلب منه تانى هات لى كذا وكذا من الاكل فالانبا اغاثون قال له حاضر واشترى له كل طلباته
فالمجذوم قال له طيب من فضلك شيلنى تانى ووصلنى للمكان اللى قابلتنى فيه فشاله ورجعه للمكان ولما جه ينزله طار لفوق فالانبا اغاثون رشم الصليب وقال بسم الصليب فرد عليه من فوق وقال له مبارك انت من الرب الهنا الذى خلق السماء والارض وقال له انه ملاك وربنا بعته علشان يختبر محبته وايمانه ورحمته
يبقى اذا عمل الرحمة موجه لربنا نفسه لان فى اليوم الاخير ربنا ح يقول لخرافة اللى على اليمين
" تعالوا يا مباركي ابي رثوا الملكوت المعد لكم منذ تاسيس العالم.لاني جعت فاطعمتموني عطشت فسقيتموني كنت غريبا فاويتموني.عريانا فكسيتموني مريضا فزرتموني محبوسا فاتيتم الي.فيجيبه الابرار حينئذ قائلين يا رب متى رايناك جائعا فاطعمناك او عطشانا فسقيناك. و متى رايناك غريبا فاويناك او عريانا فكسوناك.ومتى رايناك مريضا او محبوسا فاتينا اليك.فيجيب الملك و يقول لهم الحق اقول لكم بما انكم فعلتموه باحد اخوتي هؤلاء الاصاغر فبي فعلتم".

[george_sobhi]

من اكرم اباه فانه يكفر خطاياه و يمتنع عنها و يستجاب له في صلاة كل يوم (سيراخ 3 : 4)

[george_sobhi]

اسهروا و صلوا لئلا تدخلوا في تجربة اما الروح فنشيط و اما الجسد فضعيف (مت 26 : 41)

[george_sobhi]

السلام لك نسألك ايتها القديسة الممتلئة مجدا العذراء كل حين والدة الالة ام المسيح اصعدى صلواتنا الى ابنك الحبيب ليغفر لنا خطايانا

[george_sobhi]

نعظمك يا ام النور الحقيقى ونمجدك ايتها العذراء القديسة والدة الاله لانك ولدت لنا مخلص العالم اتى وخلص نفوسنا المجد لك ياسيدنا وملكنا المسيح..............................