هام جدا وحصريا حوار صحفى

[marit jesus]

المشاركة الأصلية كتبت بواسطة بنتك انا

فكرة جميلة جدا
وانا موافقة
ربنا يباركك ويزيدك نعمة

ميرسى يادودو ومستنياكى تشاركى معايا

[marit jesus]

المشاركة الأصلية كتبت بواسطة Ramez5

فكرة جميلة

ميرسى استاذ رامز

[marit jesus]

المشاركة الأصلية كتبت بواسطة ايمن ثروت

فكرة جديدة وجميلة

ميرسى يااستاذ ايمن

[marit jesus]

ضيف حلقتنا النهاردة شخصية مميزة جدا وليها مكانة كبيرة فى قلبى ومن الشخصيات اللى بعتز بيها جدا وبقتدى بيها وبحاول اسير على نهجها لذلك حبيت يكون اول ضيوفى الكرام اللى استضيفى فى حوارى

وهو
وهو
وهو
وهو
وهو
يوسف الصديق

انا:اهلا بيك يايوسف الصديق مرحبا بيك نورت منتدى الفرح المسيحى
اولا تحب اقولك ايه استاذ يوسف ولا يوسف الفرعون ولا اقول ايه

يوسف: ميرسى جدا ليكى وبكلامك الجميل اللى انا لولا فضل ربنا ماكنتش ابقى فرعون ولا ابقى فى دا كله وافتخارك بيا الحقيقة دا سببه ربنا
والمنتدى منور بيسوع وباصحابه وبالناس المتواجدة فيه وماتقوليش حاجة يوسف بس

انا: نبدا الحوار (اسمك -سنك- مهنتك -عدد اخواتك -بلدك- زوجتك -اولادك) ثم بعد ذلك قصة حياتك ياريت بالتفصيل

يوسف: اسمى يوسف الصديق او صفنات فعنيح

انا:ليه يوسف الصديق وصفنات فعنيح مامعناه

يوسف: الصديق لانى كنت عفيف ورفضت اخون الله وسيدى اللى كنت بشتغل عنده
وصفنات فعنيح يعنى الله يخلص شعبه

سنى لما اخواتى باعونى كنت 17 سنة ولما اصبحت فرعون كان عندى 30 سنة وكنت مرمى فى السجن 13 سنة

كنت بشتغل راعى غنم مع اخواتى
وفيما بعد اصبحت فرعون
عدد اخواتى هما 11 من غيرى اخويا شقيقى هو1 وهو بنيامين

بلدى ارض كنعان
زوجتى وهى اسنات بنت فوطى فارع كاهن اون
اولادى 2 وهما منسى لان الله انسانى تعبى وكل بيت ابى
وافرايم لان الله جعلنى مثمرا فى ارض ذلى وتعبى

قصة حياتى ان كنت دلوع والدى زى ما بيقولوا رغم ان كان فى 11 واحد غيرى اخواتى لكن ابويا يعقوب كان بيحبنى اوووووووى لانى كنت ابن شيخوخته ودا غير انى ابن راحيل اللى هو بيحبها جدا علشان كدا اخواتى كانوا بيبغضونى وماكانوش بيتكلموا معايا بصفاء نية وبسلام وكمان ابويا كان ملعنى جابلى قميص ملون
انا كنت مفسر احلام وبحلم كتير ففى يوم حلمت حلمين وقلتهم لابويا واخواتى من غير قصد التفاخر وكدا عليهم بس هما تضايقوا منى
حلم ان حزمتى قامت وانتصبت واحاطت بحزمهم كلهم وسجدوا لحزمتى والتانى ان الشمس والقمر و11 كوكب سجدوا لى فابويا انتهرنى وزعقلى وقالى انت عايزنا نسجدلك انا وامك واخواتى غضبوا منى
انا كنت مكروه جدا بالنسبة لاخواتى فعلشان كدا للما شافونى بالقميص الملون اخدونى ورمونى فى البير واخدوا قميصى وقطعوا ولطخوه بالدم علشان يقولوا لابويا انى مت موتنى بالحيا وان حيوان مفترس اكلنى وراحوا فكروا يقتلونى بالفعل بس بعد كدا قالوا يراحوا يبعونى لقافلة الاسمعليين وياخدوا فلوس عشرين بالفضة وحزن عليا جدا ابويا لانه كان بيحبنى واتقهر عليا

ثم بعد كدا باعونى المديانين لفوطيفار خصى فرعون
وكان ربنا معايا فكنت رجلا ناجحا واشتغلت هناك فى بيته وسيدى راى ان ربنا معايا ووكلنى على بيته وكنت حسن المنظر وحسن الصورة وشكلى كان جميل

لحد مافى يوم امراء سيدى طلبت ان افعل معها الخطية واضجع معها واكون بجانبها وانا رفضت تماما وقولتلها كيف اصنع هذا الشر العظيم واغضب الله واخون سيدى الذى وكلنى بيته ابدا لايمكن
فاتهمتنى وامسكت ثوبى ليكون لها دليل قاطع عليا وامرت سيدى بانه يسجننى ولكن ربنا عمره ماسابنى وجعل لى نعمة فى عينى رئيس بيت السجن الى يدى جميع الاسرى الذين فى بيت السجن

ثم بعد كدا لقيت الساقى والخباز وحلموا حلم وفسرتهم لهم
الساقى حلم كرمة امامه وفيها3 قضبان وافرخت وطلع زهرها وانضجت عناقيد عنب واخذه ووعصره فى كاس فرعون قولتله انك ستخرج بعد 3 ايام ويردك فرعون لمقامك وتشتغل معه

الخباز حلم 3 سلال من جميع طعام فرعون والطيور تاكل من السل عن راسى فقلتله انك ستخرج بعد 3 ايام ويعلقك على خشبة وتاكل الطيور لحمك وتحقق ذلك

بعد كدا فرعون هايحلم حلم وهاافسره انه حلم 7 بقرات طالعة من النهر حسنة المنظر وسمينة اللحم فارتعت روضة ثم 7 بقرات طالعة من النهر قبيحة المنظر ورقيقة اللحم فاكلت البقرات القبيحة البقرات السمينة

و7 سنابل طالعة فى ساق واحدة سمينة وحسنة المنظر و7 سنابل اخرى ملفوحة بالريح الشرقية فابتلعت السنابل الرقيقة السنابل السمينة


فقلتله ان الحلمين حلم واحد هو ان 7 سنوات مليئة شبع وخير كتييييييييييير ثم بعد كدا 7 سنين جوعا ويتلف الجوع الارض فقلتله ناخد خمس غلة الارض لنوفرها للسبع سنين لقدام ثم بعد ذلك راى حسن الكلام وان الله اعلمنى كل هذا ووجد الحكمة فيا وطبعا دا من فضل ربنا ليا عينى فرعون وحدث جوع وجائوا اخواتى ولم يعرفوننى وطلبت منهم ان يحضروا بنيامين وحبست واحد منهم ثم بعد ذلك احضره بنيامين ووضعت الكاس فى غلته لااعرف هما اتغيروا ولالا وهايعملوا فيه زى انا ماعملوا فيا ولالا وهنا قولتلهم الحقيقة ان اخوهم وعرفت انهم اتغيرواو سامحتهم ووالدى واهل بيتى جائوا الي مصر


انا: شكرا جدا ليك يايوسف وانا استمتعت بعمل هذا الحوار معك


تـــــــــــــــــــــــــــــــــــامل بـــــــــــــــــســـــــــــــــــيـــــــــــــ ــــــــــط

كلنا بنحب قصة يوسف فيها درس كبير لينا اكتر احد اتعرض للظلم وربنا ماسابهوش واخدلوا حقه وزى ماكان هو بيقول ان اخواتى قصدوا بى شرا اما الله فقصد بى خيرا اى احد فينا بيمر بتجربة قاسية بيقول ليه يارب هو انا عملت ايه بس فى دنياتى علشان تعمل فى كدا فعليه يتذكر قول يوسف ان الله يقصد بينا خيرا

ثانيا ودى الاهم ان يوسف كان ابن 17 سنة كان فى ايام المراهقة ماكانش طايش زى الشبابا الطايش رفض فعل الخطية كان متربى على العفة والامانة وحب ربنا وان ربنا شايفة ومش ممكن يعمل كدا دا درس كبير لللشباب عليهم ان يسيروا على نهجه
الايات الجميلة اللى لفتت انتباهى
كان الله مع يوسف فاصبح رجلا ناجحا
كيف اصنع هذا الشر العظيم امام الله
انتم قصدتم بى شرا والله قصد بى خيرا

كل هذا الحوار بقلمى يارب ينال اعجاب حضراتكم
وانا فى انتظار ردودكم واراء حضراتكم
وعايزة كل واحد فيكم يقولى ايه جميلة عجبتوا
تامل عجبكم واى اسئلة عايزين تسئلوها للضيف
اتفضلوا المايك معكم

[walaa farouk]

حوار جميل جدا
ربنا يبارك قلمك وموهبتك

[walaa farouk]

الايه إللى عجبتنى (كان الله مع يوسف فكان رجلا ناجحا)

[كيلارا]

موضوع رائع ربنا يباركك

[مورا مرمر]

اللللللللللللللللللللللللله
موضوع جميل جدا جدا
بجد روووووووعة
ربنا يباركك حبيبتى
وانا عجبتنى الاية دى
"وَرَأَى سَيِّدُهُ أَنَّ الرَّبَّ مَعَهُ، وَأَنَّ كُلَّ مَا يَصْنَعُ كَانَ الرَّبُّ يُنْجِحُهُ بِيَدِهِ."
تك ( 39 : 3 )

[بنتك انا]

حوار جميل جداااااااااا
تسلم ايدك بجد
ربنا ينمى موهبتك اكتر واكتر لمجد اسمه



الاية اللى عجبتنى اوى
" أنتم قصدتم لى شراً ، أما الله فقصد به خيراً " (تك 50 : 20)
عجبتنى جدا امانة يوسف
رغم حسد وغيرة اخوته

[marit jesus]

المشاركة الأصلية كتبت بواسطة walaa farouk

الايه إللى عجبتنى (كان الله مع يوسف فكان رجلا ناجحا)

المشاركة الأصلية كتبت بواسطة walaa farouk

حوار جميل جدا
ربنا يبارك قلمك وموهبتك

ميرسى يالولو على متابعتك وعلى مشاركتك الجميلة والاية حلووووووووة جدا