|
|
|
|
أدوات الموضوع | انواع عرض الموضوع |
#1
|
||||
|
||||
فيه انواع من الزعل .. زعل خناق، و شقاق و سوء اخلاق.. ده ما نعرفوش و ما نحبوش و ما نعملوش.. و زعل عتاب ، ده اختياري لو عاوز تواجه و تصفي، و ترجع العلاقات.. ده بينفع مع ناس اه و ناس لأ.. لان فيه اللي العتاب يكسبه و يأسره و يفرحه ، و فيه واحد تناقشه و تعاتبه يوجعك و يغلطك و يصغرك و يقهرك .. علشان كده السيد المسيح في درس العتاب قال في الاول "إن أخطأ اخوك" يعني لو شفت أن موضوع غلطته يستاهل العتاب أو ح يجي منه اعمل كده ، و بعدين قال في الاخر لو ماسمعش منك "ليكن عند كالوثني أو العشار " ، يعني ابعد عنه و حبه صلي له، و ما تكملش كلام ، و حطه في خانة الذكريات ، و غير ترتيبه في حياتك من "أخ" تعاتبه، الي "وثني أو عشار" تحترمه من بعيد و ما تعشمش فيه تاني .. و فيه زعل صامت ، زعل الكبار ، زعل فيه ما بنتكلمش، و بنقرر حتي ما نعاتبش ، من كتر ما عاتبنا و اتجرحنا و اتصدمنا.. فيه بنشيل زعلنا و نصفيه بينا و بين نفسنا، و نلملم جراحنا في هدوء ، و نقبل أننا نبقي في نظر للناس ساكتين و خسرانين أو حتي وحشين، ارحم ما نتكلم و نتوجع و نخسر و نكتشف أن اللي بيكلمنا مش مكلف خاطره يفمهمنا و لا يحس بينا و لا يجبر بخاطرنا.. زعل الصامت وجع ارحم من وجع الكلام مع ناس نندم أننا وقت ما زعلنا اتصدمنا فيهم مرة ، ووقت ما عاتبناهم اتصدمنا فيهم ألف مرة .. |
|
قد تكون مهتم بالمواضيع التالية ايضاً | ||||
الموضوع | كاتب الموضوع | المنتدى | مشاركات | آخر مشاركة |
صامت | walaa farouk | موسوعة توبيكات مميزة | 0 | 07 - 09 - 2023 06:57 PM |
شخص صامت | walaa farouk | موسوعة توبيكات مميزة | 2 | 24 - 03 - 2018 06:48 PM |
وجع صامت | Mary Naeem | الصور العامة والمتنوعة | 3 | 13 - 02 - 2018 11:16 AM |
حتى لو كانت الافعى غير سامة , فعليها أن تتظاهر بأنها سامة | Mary Naeem | موسوعة توبيكات مميزة | 0 | 12 - 05 - 2014 06:42 PM |
صامت | Mary Naeem | صورة وأية من الكتاب المقدس | 0 | 25 - 03 - 2014 08:16 PM |