ايقونات الفن البيزنطي

[sama smsma]

ايقونات الفن البيزنطي




ملامح القديسين في الأيقونات

- الوجه: يميل إلى الكستنائي الغامق.

- العينين: وترسم واسعة مفتوحة لأنها رأت أعمال الخالق وبواسطتها تمت معرفة الناموس الروحي.

- الأذن: وترسم كبيرة للدلالة على حسن سماع تعاليم الرب.

- الأنف: أكبر من الطبيعي ومنساب بشكل طويل ورفيع ويرمز إلى أنه لم يعد يقوم بوظيفته بل صار يستنشق الرائحة الذكية الروحية.

- الطول: النفس العذرية ويرمز إلى ارتقاء النفس والروح نحو خالقها.

- الهالة: وترمز إلى المجد الإلهي الذي يغمر القديس والنور الصادر من القديسين وهي تحيط بالرأس لأنه مركز الروح والفكر والفهم.[2]

- المعدة النافرة: وترمز إلى الألم.

ومن ميزات الفن البيزنطي أنه لا يهتم كثيراً بإظهار الشكل الحقيقي للقديس بل يحاول أن يقترب من ملامحه الشخصية ويهتم بصورته الخالدة فهو يحاول أن يرسم القديس لا بشكله العالمي بل بالأبدي.

[Mary Naeem]

شكرا على المشاركة
ربنا يبارك خدمتك

[اوديسوس]

اتمنى لو ينفع اعرف تخصص دراسة حضرتك. لانك لو ليكى علاقة بالفن من قريب او بعيد هتعرفى اولا ان اللى حضرتك حطاه دا مش ايقونة. ثانيا ان دا مش فن بيزنطى

برجاء قرائه المكتوب تحت و دا بالغة العربية من وقع ويكيبيديا، (الانجليزى فيه معلومات اكتر)

لوحات الفيوم أو مومياوات الفيوم أو لوحات مومياوات الفيوم وهي مصطلح يجسد مجموعة من اللوحات الواقعية للشخصيات رسمت علي توابيت مومياوات مصرية في الفيوم إبان فترة الوجود الروماني في مصر.

حيث تم فيها الرسم والطلاء علي لوحات خشبية بشكل كلاسيكي يجعلها من أجمل الرسومات في فن الرسم الكلاسيكي العالمي.

وفي الواقع فان لوحات الفيوم هي الوحيدة من نوعها في العالم، عثر علي مومياوات الفيوم في عدة أجزاء من مصر إلا أن منطقة حوض الفيوم شملت أغلب الاكتشافات ما جعلها تحمل هذا الاسم وتحديدا من منطقة هوارة وحتي أواسط مصر، ويرجح علماء الآثار أن تكون هذه اللوحات الجنائزية المصرية قد صنعت في فترة مصر الرومانية.

كما يعتقد أن بداياتها تعود إلى القرن الأول للميلاد، كما أنه من غير المؤكد متي توقف صنعها، لكن بعض الدراسات الحديثة تقترح أن صنعها قد توقف في القرن الثالث للميلاد، وتعتبر اللوحات مثالا مبكرا لما تلاها من أنواع فنون إنتشرت في العالم الغربي من خلال الفن البيزنطي وفن الأيقونات القبطي في مصر.

تبين اللوحات رسما لشخصية ما للشخص المدفون في التابوت وعادة مايكون شخصية كبيرة أو معروفة، وتميل الرسوم إلي الفن الإغريقي - الروماني بشكل أكبر مما هو معروف عن فن الرسم المصري القديم، فقد كانت نسبة كبيرة من سكان الفيوم في تلك الفترة من أصول إغريقية.

توجد الآن حوالي 900 لوحة مكتشفة في المقابر التاريخية في الفيوم، ونظرا للمناخ الجاف والحار للمنطقة فقد حفظت اللوحات بشكل ممتاز، لدرجة أن ألوان الكثير منها تبدو كأنها لم تجف بعد.

اللنك يمكن تحبى تتاكدى (http://ar.wikipedia.org/wiki/%D9%84%...8A%D9%88%D9%85)
برجاء التاكد من المعلومة قبل نقلها من منطلق الامانة او اى منطلق بس ياريت متفتيش و كفاية كدا علشان صوابعى وجعتنى

[sama smsma]

كان ممكن حضرتك تبعتلى على الخاص وتوضحلى الخطا دة

وممكن برضة تعقب عادى وتقول الكلام دة خاطىء وتعرفنا الصح علشان نكتبة
مافيش مانع من كدة

انا لم ادرس فن الايقونات من بعيد ولا من قريب
انا نقلت عن فن الايقونة البيزنطية
وحبيت احط صورة زى الوصف اللى مكتوب
مش اكتر
لان الفن البيزنطى تاثر كثيرا بايقونات مومياوات الفيوم


لكن لو حضرتك تقصد الصورة دى انها عن مومياوات الفيوم
فحضرتك هاتلاقينى حاطاها فى موضوع اخر غير دة
وكاتبة الشرح تحت الايقونة انها من مومياوات الفيوم
اتفضل هنا
http://ch-joy.com/vb/showthread.php?...0#.T8QCisUZSTY

[Ebn Barbara]

ثانكس سما كتير لتعبك تسلم ايدك
توبك جميل جدااا

[اوديسوس]

و الله زى ماحضرتك حطينى الموضوع بشكل مباشر مش على الخاص افتكر ان اى حد عادى انه يعمل رد و الكل يشوفه لانى مش بهاجم شخصك انا بهاجم النشر بدون تاكد من المعلومة دا غير ان الرد على الخاص مش هيصلح المعلومة الغلط اللى ارتبطت بوجود الصوره على العنوان.
اعتذر عن عنفى بس دا امر الله. على فكرة فيه معلومات كتير عن الفن بالذات غلط يا ريت تتاكدى (انا خريج فنون) قبل ما ارد لانى مش هبعت على الخاص

[اوديسوس]

اه احب اضيف نقطة صغيره كان ممكن حضرتك تعملى سيرش على الايقونات البيزنطية كنتى هتلاقى اكيد ان شاء الله صوره واحده بس هتكون ماشية مع الكلام بدل الموقف السخيف دا لان دا معناه ان حضرتك
1- بتعملى كوبى بست.
2- بتستسهلى مدام كل الرضوض تسلم ايدك و مش عارف ايه.
و فيه 3 و 4 بس مليش مزاج اقولهم
بالمناسبة دا لينك الصور اللى جوجل طلعها اول ماكتبت الايقونات البيزنطية
(http://www.google.co.in/search?hl=en...G8mO8gOhyYz7BQ).

[sama smsma]

انا مش بقول ترد عليا على الخاص

حضرتك بتعتذر عن التعنيف
يعنى عارف انك داخل المنتدى تعنف وخلاص

اولا حضرتك داخل المنتدى تصحح معلومة ولا علشان تعنفنى وتكلمنى باسلوب الاستهزاء دة

لو هدف حضرتك الغيرة على دراستك وعلى المعلومة الصحيحة
كان بكل محبة بعتلى وقولتلى فى خطا معين ياريت تصححية

حضرتك كدة تبقى مبسوط اكتر يعنى ؟

لو حضرتك بعتلى وقولتلى الصورة دى مش فى مكانها المظبوط
وقولتلك لا مظبوطة ساعتها يبقى ليك حق الكلام طبعاااااااااااااااا


انا فعلا عملت سيرش
و فى مواقع كتيرة كاتبة عن الايقونات
نقلت منها
ماعدا الصورة

لو حضرتك داخل المنتدى تضيف لينا معلومات
فاهلا وسهلا بيك وسطينا بكل محبة
ومرحب بيك جدا
وشكرا لحضرتك كتيييير

[اوديسوس]

اولا انا اعتذرت عن عنفى علشان اتلافى شخصنة العنف يعنى عنفى دا مش موجه لحضرتك و لا للمنتدى عنفى دا موجه ضد المادة العلمية المغلوطة اللى محطوطه و اللى كتير هيعتبروها صحيحة سواء لثقتهم فيكى او فى المنتدى او لجهلهم.
ثانيا لو حضرتك بتتكلمى عن الاصول (لو هدف حضرتك الغيرة على دراستك وعلى المعلومة الصحيحة كان بكل محبة بعتلى وقولتلى فى خطا معين ياريت تصححية) يبقى الاولى انك تبذلى مجهود و تدورى اذا كانت المعلومة صحيحة و لا لا قبل ماتلومى اى حد على تعليقه.
ثالثا رجاء محبة التاكد من المواضيع من اكتر من منطلق ابسطهم الامانة فى نقل المعلومة.
رابعا و خامسا و سادسا انا بشكرك على اى حاجة انتى شايفه انك تستحقى عليها الشكر.

[sama smsma]

لا طبعا مااستحقش اى كلمة شكر على خطأى
الشكر كلة لحضرتك على معلوماتك القيمة
وعلى التصحيح المهم
واهلا بيك وسطينا
وتم تصحيح الخطا
وتانى مرة شكرا ليك ربنا يفرح قلبك