|
|
|
|
أدوات الموضوع | انواع عرض الموضوع |
#1
|
||||
|
||||
اسكتش :أتنين فى مهمة !! المشهد الأول اليقطينة : أنت فرحان يا أبويا يونان يونان : طبعا أنا فرحان من ساعة ما أنتى بقيت فوق راسى تحمينى من الشمس اليقطينة : أنت تشكر ربنا اللى كبرنى وخلانى اقدر أحميك من الشمس بعد خدمتك وتعبك تدعو الناس لربنا يونان : يارب تفضلى كده على طول اليقطينة : بس خد بالك يا ابويا ...ممكن أجف من الشمس وورقى يقع أو تجيلى دودة تاكل فيا ..أعمل حسابك أوعى تزعل لو حصل كده يونان : لا أنا عاوزك تبقى كده على طول ليا ..ربنا يحافظ عليكى على طول دا أنا فرحان أوووى ..أنتى جيتى ليا ضله وونس كمان اليقطينة : طيب ربنا يسهل وافضل فوقك على طول أنت نبى عظيم ..وبتعمل عمل عظيم تعرف الناس بربنا يونان : أنا اللى مزعلنى أن ربنا حنين أوووى ..بالرغم من انه كان زعلان من شعب نينوى لكن من أول مابشرتهم ..ابتدوا يصوموا ويصلوا ويرجعوا لربنا و لقيت ربنا رجع عن غضبه وعن عقابه الشديد لهم اليقطينة : وزعلان ليه ...ما هى الناس رجعت لربنا وبقوا حلوين ...وعاوزين يعيشوا معاه دا أنت المفروض تشكر ربنا الحنين لأنه نجحك فى خدمتك ..والناس تابت على أيديك يونان : ما هو كل كلامى وقع على الأرض..وكل العقاب اللى كان ها يقع على الشعب ربنا رفعه عنهم اليقطينة : ربنا بيحبك أووى يا ابويا ...خلى كلامك سبب خلاصهم يونان :كلامك جميل أوى يا صديقتى ...بس الشعب دا شرير ..ولازم ربنا يعاقبه اليقطينة : يعاقبه ..يعنى كل الشعب يموت ..طيب دا يبسطك يا أبويا... امال لما تيجى تبشر ..ها تبشر مين بقى ؟؟؟!!! يونان : طيب طيب أنا هااريح شوية ..وأنام ..لما اشوف ربنا عاوز منى ايه بكره اليقطينة : اتفضل يا أبويا ..ربنا يحنن قلبك على شعبه ...وتبشر كمان وكمان المشهد الثانى ( ينام يونان ويقوم ..ما يلاقيش اليقطينة ) يونان : فين صديقتى اليقطينة ..ليه يارب كده ..دى كانت بتحمينى من الشمس الشديدة..ليه تاخدها منى .موتى خير من حياتى . صوت : اليقطينة : بس خد بالك يا ابويا ...ممكن أجف من الشمس وورقى يقع أو تجيلى دودة تاكل فيا ..أعمل حسابك أوعى تزعل لو حصل كده يونان :أه ...مش عامل حساب اللحظة ..دى ..ياريتنى كنتي عشتى أكتر تحمينى من الشمس الحامية دى ربنا : هل أنت غضبت علشان يقطينة يونان : دا أنا غضبان حتى الموت ربنا : حلاص نفسك عندى مهم ..وخلاص شعبى مهم زيك يونان : يارب أنا حزين حتى الموت ربنا : يعنى أنت زعلت علشان يقطينة صغيرة بنت يوم كانت وبنت يوم هلكت ومش زعلان على شعب بحاله ها يهلك ❤️❤️❤️ |
|
قد تكون مهتم بالمواضيع التالية ايضاً | ||||
الموضوع | كاتب الموضوع | المنتدى | مشاركات | آخر مشاركة |
صور للتلوين جاهزة للطباعة لخدمة مدارس الاحد | george_sobhi | أفكار جديدة للخدمة | 3 | 22 - 03 - 2019 10:35 PM |
افكار لخدمة مدارس الاحد عن احد الكنوز | sama smsma | ركن أرشيف المواضيع | 2 | 17 - 03 - 2013 06:08 AM |
مجموعة افكار لخدمة مدارس الاحد عن عيد النيروز | Marina Greiss | أفكار جديدة للخدمة | 5 | 02 - 09 - 2012 10:14 AM |
تحب تبدل صليبك ؟ فكرة لخدمة مدارس الاحد | Marina Greiss | أفكار جديدة للخدمة | 0 | 27 - 05 - 2012 08:28 AM |
المعطي المسرور ( لخدمة مدارس الاحد) | Marina Greiss | أفكار جديدة للخدمة | 2 | 23 - 05 - 2012 06:23 PM |