|
 |
 |
 |
|
رقم المشاركة : ( 1 )
22 - 04 - 2023, 02:07 PM
|
|||||||||||
|
|||||||||||
|
الشخصية_المتلونة قصة دلال في جعفر_العمدة  الشخصية دي للأسف موجودة بنسبة مش قليلة وناس كتير بعتتلي قد ايه اتأذوا منها فانا هتكلم هنا عن الشخصية في ضوء أسئلتكم وسامحوني لو في تفتصيل معرفهاش لاني متفرجتش على المسلسل 🙈 1. #نفسها أهم حاجة عندها هي تبقي الأول مش مهم ازاي او على حساب مين المهم تبقى الأول 2. ذكية جداً في أحيان كتير وبتعتمد على ذكائها وبتفتكر انها أذكى من اللي حواليها وانها عمرها ما هتتكشف 3. #متلاعبة_بالمشاعر manipultive بتستعمل كل مهاراتها انها تعرف تتلاعب باللي حواليها وكتير بتحس انها فوق الناس بقدرتها على اللعب على اوتار المشاعر 4. #هدفها مصلحتها طول الوقت ولما بتحط حد او حاجة في دماغها بتفضل مصممة انها توصله مهما كان التمن 5. . #البحث ورا كل الناس دايماً بتدور علي السر او نقاط الضعف اللي ورا كل شخص بتحفر وتتجسس وتسأل لغايه ما توصل لمعلومات ممكن تمسك او تسيطر منها او تؤذي بيها 6. #بتحس_بطريقتها هي كتير بتتجاهل المشاعر بس بتحس ان المشاعر مهمه لما بيكون ليها مصلحة وبتوري اللي قدامها قد ايه هي انسانه وبتحس بيهم بس علشان توصل لحاجة او تداري علي عملة 7. ملهاش_آخر في اي حاجة في الاذى في العنف في العند في الوسائل الغير سوية في الابتزاز توقع منها اي حاجة في اي حته 8. الامكانيات عينيها طول الوقت عن ازاي تحول اي علاقة لمصلحة او اي شئ لماديات تخلي الدنيا بالنسبه ليها آمنة من وجهة نظرها طول ما زمام الامور في ايديها او طول ما جوزها في سياق المسلسل مش مكمل مع حد غيرها 9 الكبيرة تحس انها الشخصية اللي طول الوقت بتحاول تجمع الناس تحت جناحها سواء بالابتزاز او الأذى او التمثيل 10.الخوف عدوها اللدود بس صديقها الللي ماشي معاها الطريق طول الوقت بتعافر انها تبقى آمنة بس مش قادرة فبتتمادي في اسكات او أذى الآخرين علشان فاكره ان ده بيحققلها الامان 11. سهل_استفزازها علي قد ما #بتبان واثقة في نفسها لكن في الحقيقة هي مش ثقة على قد ماهي ذات ego وذكاء في الشر كتير بيبان ضعف ثقتها وخوفها كل ده واكتر هي صراعات نفسية بتدور جوه الشخصية دي المشاعر بالنسبة ليها ضعف والتعاطف لمصلحة والخوف بس علي السيطرة لازم لو حواليك شخص زي ده تركز قوي في تصرفه معاك وتخلي بالك من ثقتك فيه وفي نفس الوقت لو ليك كلام معاه انصحه يحاول يشوف حل لانه فعلاً ممكن يعيش ويموت تعبان وتاعب اللي حواليه إيمان العاصي - Eman Elassi 
|
 |
|
| قد تكون مهتم بالمواضيع التالية ايضاً |
| الموضوع |
| يهوديت الزوجة المتلونة |
| قوة الشخصية |
| ما سر صخرة أولورو المتلونة بأستراليا؟ |
| قوة الشخصية |
| موسى: هاجمت عبد المنعم أبو الفتوح لمواقفه المتلونة |
العرض العادي
