ترنيمة سمو الرهبنة "من فيلم التلميذ"

[Ramez5]

يا بَني النور قوموا املوا الليل بنور التسبيح
قولوا هُوس ورا هُوس مجدوا اسم يسوع المسيح
بركة وشَرِكة روحية وجهاد روحي وتسليح
ما هو بالتسبيح إبليس مهزوم

صلوات مرفوعة بإيمان والسما تَستَجيب
صلاة صوم تدريب روحي. ترتيب مفعوله عجيب
بيجيب أفراح وسلام بيفوق العقل يجيب
عيشة ملائكية طول اليوم

طاعة وعفة وفقر إرادي تلاميذ وآباء
قلاية ودير ليه سور.. مزمور.. رُهبان أُمناء
خلوة روحية وبرية أرض بتبقى سماء
وحياة مافيهاش ربكة ولا هموم

إنجيل ترتيل قوانين تنظيم.. منهجنا عظيم
فخورين إننا لكنيسة مجيدة مُنتَميين
فيها بَشَر سمائيين وملايكة أرضيين
فيها الأفراح تبدأ وتدوم

تستاهل اسهرلك طول الليل اقول تسابيحي مُلَحَّنَة
تسبحة قداس بُعد عن الناس أنا على كده طول السَّنة

قلب عن التسبيح مش غفلان
بالنور مليان
وجبين عرقان
بيت فوق الصخر اتبنى

قلب بيسجد لله لغيرُه لاه
دايمًا سَهران
بالسَّما عَمران
وده "سمو الرهبنة"

سمو الرهبنة
من فيلم التلميذ
ترنيم: ماريان چورچ
أشعار: رمزي بشارة
ألحان: يوحنا ڤيكتور
توزيع: رفيق جمال
كلارنت: حموسو
تسجيل وميكساچ: Robert Kamal
والدچيتال ماستر بتوقيع م/ أمير محروس
الصورة بعدسة: George Adib
George Adib Photography

"التلميذ" إخراج: جوزيف نبيل

[Mary Naeem]

ترنيمة جميلة

ربنا يفرح قلبك