موضوع ياريت اعرف راي الكل فيه

[كبيرة ومحترمه]

اولا انا واضحه وصريحه ومش بعرف الف و لا ادور انا حكيت من اول لحظه انى مسلمة موحدة بالله ورسوله صلى الله عليه وسلم زى ما حضراتكم جميعا عرفتونى على كدا انا زى ما انا هنا او فى ايه موقع اخر مش بتلون ولا هتلون ابدا والست منا واسالوا ايه ست فى كدا القهوة بتاعتها واصحابها على الناصيه او فى الكافي هو النت عكس الرجاله لهم الف طريقه لقضاء اوقاتهم عكسنا فكل ست وقت فراغها هو النت وانا واحده منهن وكنت عضوة فى منتدى فتكات اللى اتقفل من بدرى مش عارفه ليه كنا كلنا شخص واحده مسلمه ومسيحية كلنا اخوات كان لازم الاول الادمن منهم نجوى وعبير كان لازم يتاكدوا ان المسجل بنت او ست مش ولد مخنث اسفه وعامل بنت لان كان كل المواضيع بتدور على حياة الست بصفه عامه وكنا نطرح على بعض مشاكلنا ولكان بعد ما اتقفل بقيت مضطرة ادور على مواقع مؤثوق فيها وهنا يبدء موضوعي اللى عاوزة اوضحه ايه موقع سواء موقع عام او موقع اسلامى مش بيطلب اثبات للعضو انه مسلم ولالالكان لاحظت فى ايه موقع مسيحى غير هنا وبقول غير هنا يا رامز عشان مش تقولى ماانتي اهو وسطنا انتوا بصراحه غير ايه موقع مسيحى تانى خالص الكل عندكم اخوات وانا اشهد بكدا لانه بكل بساطه حصل معايا هنا لقيت كل الحب والمودة والترحيب انا بتكلم عن باقي المواقع الاخيرة اوكى ؟ لقيت بقا حكايه غريبه عجيبه سوا ءالموقع منتدى او شات او حتى جروب فى الفيسبوك بيحطوا الاول اسئله من المخلص من شفيعك اكن كدا خلاص هم اتاكدوا مش عارفين دلوقتى احنا داخل عالم منفتح وايه سؤال فى العالم كله مش فى الاديان بس ممكن الاجابه فى لحظه من جوجل ؟ لحد دلوقتى لسه في مواقع ناسيه قولى متناسيه قولى ان جوجل فيه كل شئ واجابات كل حاجه بصراحه مش فاهمه ليه بالذات المواقع المسيحيه متعصبه جدا ما اللى يدخل يدخل واللى يتعدي حدوده ياخد فوق دماغه وبلوك انا بقول كدا عشان كل واحد فيكم لو يعرف موقع كدا يعرفوا ان طريقه الاسئله لاثبات ان الواحده مسيحية ولالا دى طريقه اصبحت مضحكه اسفه ومش شايفه فيها داعي من اصله اتمنى كل المواقع تفتح للجميع ربنا خالقنا كلنا عشان نكمل بعض مش عشان لا دى مسلمه دى مسيحية دا جهل وتخلف حبايبى فاهمنى عاوزة اقول ايه ياريتالرساله دى يعرفها كل مسئول عن موقع او ادمن ان الاسلوب دا اولا عاف عليه الزمن ثانيا بيدعو الى التعصب والتطرف اسفه لموضوعي دا بس كان لازم اوضح اللى بيحصل ومنتظرة ردكم القيم

[Mary Naeem]

حببتي احنا هنا واحد ومافيش فرق بينا
وأحنا فرحانين انك في وسطتنا
بس في بعد المواقع بتعمل كدا كنوع من الحماية

لان في هكر بتدخل بيدمر المواقع
هنا في المنتدى رامز بيدفع مبالغ كبيرة بالعمله الصعبة للحماية

[كبيرة ومحترمه]

انا اكتر انسانة هنا ادافع عن المنتدى لانى وجدت فيه الحب والاحترام وذكرت كدا فى موضوعي لانها الحقيقه

[Ramez5]

معلش كل مكان وله اسلوبه وسياسة إدارته
انتى هنا ارتاحتى معانا ...
لأنك اخت معانا ف المنتدى
وبنكن لكى كل الاحترام والتقدير
وبنحترم دايماً الجميع وبنتعامل مع بعض أخوه
ويمكن إللى ميز المنتدى المحبة المترابطة
علشان كده متزعليش لو ملقتيش دة برة الفرح المسيحى
وبنرحب بيكى دايماً فى منتدانا الغالى ....

[walaa farouk]

حبيبتي اهلا بيكي دائما معانا انتي منورانا
واحنا هنا كلنا واحد ومتزعليش من بعض السياسات التانيه
لأن كل موقع له أسلوبه وسياسته الخاصة بيه
لكن انتي هنا في وسطنا اخت عزيزة وغاليه ومرحب بيكى
في منتدانا الغالي منتدى الفرح المسيحي

[كبيرة ومحترمه]

بحبكم واحترامكم واقدركم فعلا من كل قلبي