|
 |
 |
 |
|
رقم المشاركة : ( 1 )
12 - 04 - 2024, 07:54 AM
|
|||||||||||
|
|||||||||||
 مدير المدرسه دخل مكتبه ومعاه الطلبه اللي هاتتكرم في المسابقه ومعاه كم مدرس من اعضاء لجنه التدريس لكن اتضايق لما لقى مكتبه مش نضيف رن الجرس دخل عليه الفراش المدير هزقه واداله كلمتين قدام الكل عن اهماله وفشله في وظيفته وخصم من مرتبه علشان يتعلم من غلطه الفراش قاله يابيه ده انا بستنى المرتب علشان عندي التزامات كتير ، انا بصرف على تلات ولاد وبنتين المدير قاله دول اكيد فشله زيك لانك لو شايف شغلك ربنا هايكرمك فيهم رد وقاله واللهي غصب عني ، الضغط زاد عليا ووقعت من طولي ولسه جاي من عند دكتور المدرسه ممكن سيادتك تسأله قاله لا وخد الباب في ايدك ، طلع الراجل دمعته على خده علشان الالتزامات اللي عليه المدير خد الطلبه والمدرسين وطلع بيهم ارض الطابور علشان يكرمهم قدام الكل المركز الخامس ١٠٠٠ جنيه المركز الرابع ٢٠٠٠ جنيه المركز التالت ٣٠٠٠ جنيه المركز التاني ٤٠٠٠ جنيه المركز الاول ١٠،٠٠٠ جنيه وبعد التكريم قال اصحابكم اللي اتكرموا انهارده تفوقوا علشان طلعوا من بيت مجتهد بيت ملتزم واسره حريصه توفر ليهم جو مناسب للنجاح وساب المايك لكل واحد يقول كلمه وبالفعل كل واحد قال كلمه ولما جه الدور على صاحب المركز الاول المدير بيسأله والدك شغال ايه ! قاله انا والدي الفاشل اللي لسه مطرود من مكتبك - طول مانت مظلوم ماتركزش حقك هايرجع امتي ركز لما يرجع هاتحتفل ازاي ❤️ اللي الناس تخصمله ربنا بيعوضه اضعافه واللي الناس تحبطه ربنا بيقويه واللي الناس تهين كرامته ربنا بيردهاله واللي الناس بتدوس عليه ربنا بيرفعه فوق الكل دور على ربنا في حياتك ، هتلاقيه في الاول والاخر وبين السطور 
|
 |
|
العرض العادي
