مقتطفات من كتاب الحب الالهي

[مورا مرمر]

سلام ونعمة

حابة اشارك معاكم انهارده كتاب اسمه "الحب الالهي" للقمص تادرس يعقوب ملطى وحكايتى بالظبط مع الكتاب
انا تقريبا من حوالى سنتين كنت بدور على الكتاب دا ..على الانترنت و لما كنت بسافر اسكندرية في كنيسة الشهيد مارجرجس بسبورتنج بس للاسف مكنتش بلاقيه كان عاجبنى جدا ..عرفت الكتاب دا لما كنت بلاقي مقتطفات منه فى سلسة مبادئ الحياة الروحية ..وبالمناسبة هي بصراحة فرقت معايا جدا جدا على المستوى الروحي واحب انصح اى حد عايز يبدأ حياة روحية ..انه يقرأ النبذات او يسمع الحلقات هتفرق جدا معاكم

بالنسبة للنبذات هتلاقوها فى موقعهم "مبادئ الحياة الروحية"
https://bit.ly/3Q6csPn

ودى سلسلة المسيح يحب الخطاة جزء من مبادئ الحياة الروحية كنت نزلتها هنا فى المنتدى
https://www.chjoy.com/vb/showthread.php?t=580582

وبالنسبة للحلقات المسموعة فانا نزلتها هنا قبل كدا
https://www.chjoy.com/vb/showthread.php?t=583043

المهم انى اخيرا لقيت الكتاب فى الويب سايت بتاع مكتبة الشهيد مارجرجس سبورتنج لما كنت بدور على كتب فيها وحابه اشاركه معاكم

ودا لينك الكتاب
للقراءة او التحميل من drive :

https://drive.google.com/file/d/1rn9...ew?usp=sharing

ودا لينك المكتبة علشان لو حابين تحملوا كتب تانية

https://stgeorge-sporting.net/stg/in...brary-stgeorge

الكتاب دا حقيقى رائع كلمة قليلة عليه وكان فيه اجابات كتيرة عن اسئلة كانت عندى وانا متأكدة انه هيفرق معاكم وهتحبوه جدا لما تقروه

وهنا هنزل مقتطفات من الكتاب عجبتنى اعملوا save للموضوع دا علشان تتابعوا كل حاجة هنزلها فى نفس الموضوع ..هنزل كل يوم جمعة ان شاء الله

هتلاقوا اول جزء هنزلوا فى المشاركة الجاية