متستغربش دي حكاية فرح | ليديا اكرم

[Ramez5]

مفيش حد مسمعش عن ليديا .. مش كلنا عارفينها ، بس محدش فينا مسمعش عنها و عن كلامها و حبها ليسوع اللي فاق أي عقل ..
لقينا لقاء ليها و كنت حابب أشارككم بيه .. مش هطول بس فعلاً مش عارف مكتبش كل حاجة ..

.Hi , ana lydia akram , 19 sana , kolyet a3lam
بحب أوي أطلع الجبال و أجري و بحب أكتب و أقرا و أرنم و أغني ...

*الناس قالولي ازاي هتصدق واقع تاني ؟؟ لكني سامع صوت في قلبي مالي كياني*

عملت عمليات كتير أوي ، أولها الزايدة .. يس ساعتها مكنتش أعرف ربنا أوي .. فا كنت خايفة أوي ..
بعد كدة جه الCANCER ، علاقتي بربنا ابتدت .. لأن يسوع كان موجود كنت مطمنة ، اللحظات المؤلمة كانت بتعدي بسرعة أوي، كل ما أقوله أنا مش قادرة .. كانت بتجري ..
أنا اللي باختياري مكنتش عايزة أدخل الطريق الضيق ده .. مكنتش عايزة أتألم .. بس هو اللي ابتدا هو اللي كلمني .. ازاي ؟
قبل الفترة دي كنت في camp و سمعت الآية دي .. "وأمّا أنا فقد أتَيتُ لتَكونَ لهُمْ حياةٌ وليكونَ لهُمْ أفضَلُ.” يوحنا(١٠:١٠)
الأفضل هنا برضه مش في السما بس ،، فا ربنا مش الطريق الضيق بس و مش المرمطة بس .. بس هو جه عشان أكون مبسوطة في كل ضيق و أنا علي الأرض ..

المعزون المتعبون ، مكنتش بحب الناس اللي بتبص بنظرة شفقة .. مكنتش بستريح للناس اللي بتقول ايه دا أنتِ تعبانة !! مالِك !! و أنا كنت عكس كدة أصلاً ..
كتير بيقولوا أن الله عجيب ، بس أنا أختبرت أنه عجيب ..
عارفة لما تبقي في قمة الألم و فجأة تحسي بحضن ربنا *الحضن المتين* ..

*ليس بعيداً كما زعموا ، ليس غريباً عن كل ما قاسوه*
*فكيف لا أثق به ، أشك في حبه ، أبي الذي أحبني إلي الممات*

كل حد فينا بيتحط في حاجة معينة ، عشان بس يرفع اسم ربنا و يمجده أكتر ..
مفيش حد كان بيساعدك يا ليديا ؟؟ كان كله نظرات شفقة ؟؟
لأ بالعكس ، الناس أصلاً وسيلة من وسايل ربنا أنه يبعتلنا الmessages بتاعته و حبه و تشجيعه ، بس زي ما في معزون حلوين أوي .. في معزون تانين محطوطين في الطريق ..
ليديا كانت شايفه في كل عمليه خطوه و ليها هدف... واحده هدفها الايمان .. و واحده هدفها انها تثق فيه..
ضعفت و اتوترت ...بس الصلاه دايماً كانت بتقويها🏻 ..

اخر عمليه كان ربنا عايز يقولها مش لازم تكوني مرتبه لكل حاجه في حياتك ... ملكيش دعوه ايه اللي هيحصل بعد كده ...
دايماً حتي من قبل التجربه ديه كانت بتطلب منه انها تخدمه و تعرف ازاي تخدمه صح و ربنا استخدمها و هي حد ضعيف اوي...استخدمها لمجد اسمه زي ما طلبت و سمح بكل عمليه علشان يعلمها ازاي تتكلم عنه و يثبت دايماً رجلها ....
علشان هو صخرتها ..

بعد ما كنت فاكره اني خلصت كل جلسات ال "chemotherapy" الدكتور قال ان كان في جلسه كمان ... في الوقت ده جالي msg من ربنا عن طريق كتاب الله يدعو "في فرق كبير اوي بين التسليم و الاستسلام ". انك تستلم للطمه الحياه هتتعب اوي لكن التسليم لإيد ربنا هيديك سلام و فرح و يعدك لمفاجئات كبيرة.

*لو أحلامك في الصلاة بعد زمان اتحققت متستغربش ،
لو ايدين في الدموع لمست كتافك شجعت نفسك و قومت و علي هتافك ،
لو ظروفك هي هيلكن حزنك مكملش .. متستغربش*

ازاي محستيش ان ربنا بياخد منك حاجه او بيحرمك من حاجه !!! دا انتي كنتي بتحبي الجري و الجبال و اكيد جه وقت مقدرتيش تتحركي فيه.
اكيد حسيت كده في الاول و غضبت و وقفت و قلت له الوضع دا مينفعنيش ..
بس كالعاده ربنا وصلي رسالته و قالي ان في حاجات كتير اهم من الجري و التنطيط ...في حاجات اهم بكتير ممكن تعمليها من السرير ...هتفرق في حياتك جدا و في حياه ناس كتير... الاحساس النفسي بالحريه و اني طايره اهم بكتير من الاحساس البدني...
"يجدد مثل النسر شبابك"
مش مشكله انك تتعب و مش عيب خالص انك تغضب و تبكي بس الفكره انت بتعيط لمين و الفكره ان تعرف ايه هدفه من كل دا..

من الحاجات اللي اثرت فيا جدا من الكتاب المقدس :
(رومية 8: 37) ”وَلكِنَّنَا فِي هذِهِ جَمِيعِهَا يَعْظُمُ انْتِصَارُنَا بِالَّذِي أَحَبَّنَا.“
بيسوع انا او اي حد في تجربه فرحانين و منتصرين.
(إشعياء 40: 29) ”يُعْطِي الْمُعْيِيَ قُدْرَةً، وَلِعَدِيمِ الْقُوَّةِ يُكَثِّرُ شِدَّةً.“
(اشعياء 10,13:41)”وَقُلْتُ لَكَ: أَنْتَ عَبْدِيَ. اخْتَرْتُكَ وَلَمْ أَرْفُضْكَ.لاَ تَخَفْ لأَنِّي مَعَكَ. لاَ تَتَلَفَّتْ لأَنِّي إِلهُكَ. قَدْ أَيَّدْتُكَ وَأَعَنْتُكَ وَعَضَدْتُكَ بِيَمِينِ بِرِّي.“
ربنا مختار الشخص اللي في تجربه علشان يرفعه و يسنده ...يتكلم بإسمه و يعمل حاجه كبيره اوي بعد كده .. ربنا بيستخدم الكائن الضعيف يديله قوه كبيره اوي علشان يمجد اسمه و يأكد ان ربنا قوي اوي ..

(رو8: 11) ”وَإِنْ كَانَ رُوحُ الَّذِي أَقَامَ يَسُوعَ مِنَ الأَمْوَاتِ سَاكِنًا فِيكُمْ، فَالَّذِي أَقَامَ الْمَسِيحَ مِنَ الأَمْوَاتِ سَيُحْيِي أَجْسَادَكُمُ الْمَائِتَةَ أَيْضًا بِرُوحِهِ السَّاكِنِ فِيكُمْ“
روح الله اللي كان جوا القبر و اقام يسوع من الموت قادر انه يقومنا من كل ضعف نفسي او جسدي. ماتنساش الاكليل اللي ربنا محضره و المجد الابدي قدام كل احتمال للتجربه.
حياتنا عمرها ما كانت ثابته كل حاجه بتتغير ..الجو ...المدن ...الشخصيات.
بس الحاجه الوحيده اللي ممكن تلاقي فيها الثبات و الاستقرار هو ربنا ...
الطريق الضيق مش صعب ...علشان كل خطوه فيه بتلاقي ربنا بيرفعك🏻 لفوق و يطبطب عليك...
في وسط تجربه بشعه زي ال CANCER كل الناس بتطلب معجزه .. انك تنام و تصحي من غيره ..
بس ليديا اختبرت المعجزه بشكل تاني..لدرجه انها مكانتش عايزه التجربه تروح و الناس استغربت جداً ..
عن ملاخي 3:3 ”فَيَجْلِسُ مُمَحِّصًا وَمُنَقِّيًا لِلْفِضَّةِ. فَيُنَقّي وَيُصَفِّيهِمْ كَالذَّهَبِ وَالْفِضَّةِ، لِيَكُونُوا مُقَرَّبِينَ لِلرَّبِّ، تَقْدِمَةً بِالْبِرِّ.“
ليديا بتقول زي الفضه مش زي الذهب علشان بيفضل سايبها في النار ينقيها لحد ما يشوف صورته فيها....هي دي التجربه ...هدفها التنقيه لحد ما صوره المسيح تظهر فينا .. طبيعي ان ال curve بتاع علاقتنا بربنا بيطلع و ينزل بس في وقت النزول دا لازم ربنا يفكرك بالوقت اللي سندك فيه ..
أنتي فاكره ان كده ربنا خلص معاكي ؟
الحقيقه لا ...انا حاسه بالعكس كل انسان ليه mission و انا حاسه ان ال experience و ديه كانت البدايه هو اختار كل حد فينا بعنايه دقيقه في الوقت المناسب للتجربه ديه علشان يبدأ معاه حياه ...

*خطواتي واختباراتي تعلن عن مجدك في حياتي
وأحلى ما في حياتي انت (حبيبي يا يسوع )*
و ديه كانت حكاية ملاك عايش وسطينا .. علمتينا يعني ايه درس كتاب يا ليديا ،
علمتينا ازاي نقبل التجربة و نفرح في الاّلام ..
هتقومي عشان تشوفي اد ايه ربنا استخدمك و اد ايه عليتي و رفعتي اسمه ...

[Mary Naeem]

ربنا ينيح روحها في احضان القديسين