|
 |
 |
 |
|
رقم المشاركة : ( 1 )
23 - 08 - 2012, 02:53 AM
|
|||||||||
|
|||||||||
|
عيب ياولا ما تلعبش مع البنات
من يوم ما تولدت وانا باسمع : "عيب ياولا ما تلعبش مع البنات" ... وَاَسمع اُم ليلىَ تقولها :"عيب يا بنت ما تلعبيش مع الولاد" . عيب ... عيب ... عيب ! إيه هو العيب ؟ يا عالم فهمونا إنصحونا ما تسيبوناش كده "عيب يا ولا يا محفوظ تلعب مع البنات" .................... ! إتغطى يا بنت ما تبينيش رجلك للولاد هو إيه إللي فى الرجل ؟! رُحتْ اسأل اُمى :"يا اما إيه هو العيب" ؟ ... قالت لى :"إمشى ياولا إنتَ لسه صغيَّر" ... رُحتْ لابويا أسأله قال لى : "غور من وشـِّى هو انا فاضيلك ؟! ... جيل آخر زمن" ... !!! يابا ... ياما ... أنا عندى 12 سنة أنا عايز اعرف ...عايز افهم الصح من الغلط ... إيه هو العيب ؟! ... طيب ... أنا هادوَّر بنفسى عشان مش لاقي اللى يعرفنى ويفـَهَمْنِي !!! تعالى يا ليلى نلعب ماما وبابا . وافتكرت ساعتها لما امى وابويا قالوا عيب ياولا يا محفوظ ... هو ليه يعني عيب ! وانا لازم اعرف واجرب إيه هو العيب . والعيب عشته وعرفته ووقعت فى المحظور . ياريت ما جالى الفضول . الله يسامحك يا اما إنتي وابويا ... مش تِفَهِّموني قبل ما اغرق وأقع في المحظور؟! ودلوقتي بتلوموا عليَّ ؟! آآه ه ه ه ه ه ه ... سامحني يا رب ... كان من الأول لو لقيت اللى يعَرَّفـْك وينَصَّحك ماكنتش دخلت فى العيب والمحظور ياولا يا محفوظ ... ولما كبرت عرفت ان اللي قالوا عنه "عيب" إسمه "الجنس" وده مش عيب لكن هما قالوا إنه عيب ومقالوش إمتى يكون عيب وإمتى يكون مش عيب دا اللى خلقنى ... "ذكر وأنثى خلقهم"... يعنى الجنس مش دايماً عيب ... اللى خلقنى قدسه ... بس يكون زى ما هو رسمه بالحلال ... والحلال مع مراتى بنت الحلال ... وياريتك عرفت كده من الأول ولقيت اللى يعَرَّفـْك وينـَصَّحك ماكنتش وقعت فى المحظور ياولا يامحفوظ ... وكنت بقيت "إسم على مُسَمىَ" ... ! 
|
 |
|
العرض العادي
