|
 |
 |
 |
|
رقم المشاركة : ( 1 )
15 - 02 - 2019, 10:48 AM
|
|||||||||||
|
|||||||||||
 قريت قبل كدة موضوع اسمه "The Dark Room " " الاوضة الضلمة " اسم الموضوع لفتنى جدا ... كملت قراية لحد ما وصلت عند جملة " الاوضة الضلمة اللى فى حياة كل واحد فينا هيعرف بعدين انها احلى فترة فى حياته " تقريبا اكتر جملة حسيتها حقيقية فى الموضوع رغم التناقض اللى فيها .. وقت التجربة ... وقت الأزمة اللى بتقف عنده الساعة ! الفترة الصعبة اللى بيقع فيها كل الناس حواليك .. وقت ما تبقى منتقد من الكل .. مفيش حد يسند .. مفيش حد بيهون ... كلهم قرروا ميتدخلوش ! ف تحس انك وحيد .. مش قادر تثق في اللى حواليك .. خايف .. مهزوز .. كل الناس بتقول حاجة وانت شايف عكسها ... محدش سامع صوتك ... ف تقرر تدخل الاوضة دى و تقفل على نفسك و متخرجش غير لما انت اللى تقرر ده ...... ازاى الفترة دى ممكن تكون احلى فترة فى حياة أى حد !!!! لما ترجع تفتكر الوقت ده هتلاقى انك شوفت حاجات مكنتش واخد بالك منها قبل كدا .. شوفت مين حقيقي و مين عامل نفسه حقيقي .. شوفت تفكيرك و تفكير اللى حواليك .. على الاقل شوفت نفسك من جوة بطريقة أعمق شوية .. يمكن عرفت فى الفترة دى حاجات عن نفسك مكنتش تعرفها قبل كدا .. أو مكنتش عاوز تعرفها !! المهم انك دلوقتى اكتشفت نفسك .. مش مشكلة أن الكل ماشي عكسك ولا أن الكل منتقدك داود كان بيقول يا بخت اللى ميقفش مع الاشرار ولا يقعد مع المستهزئين و فى يوحنا الاولى ( هم من العالم .. من أجل ذلك يتكلمون من العالم .. و العالم يسمع لهم ) لكن انت مميز عنده يابختك لو موقفتش مع الاشرار ولا قعدت مع المستهزئين ولا سمعت للعالم و دخلت الاوضة الضلمة عشان تشوف ربنا بوضوح خليك مقتنع انك كان لازم تعدى على الاوضه دى فى حياتك عشان توصل للوضع اللى انت فيه دلوقتى .... و اتاكد أن غرضه يوقفك على ارض صلبه متتكسرش مهما حصل وافتكر أن الفترة دى ربنا قادر يطلع منها احلى حاجة جواك كنت مخبيها هو طريقته كدا .. يضلمها قوى حواليك عشان تقدر تشوف النور بوضوح اشكره لو اختارك تدخل الاوضه دى 
|
|
15 - 02 - 2019, 12:33 PM
|
رقم المشاركة : ( 2 ) | ||||
|
† Admin Woman †
|
رد: الاوضة الضلمة
يضلمها قوى حواليك عشان تقدر تشوف النور بوضوح
اشكره لو اختارك تدخل الاوضه دى رووووووووووعة حببتي ربنا يفرح قلبك |
||||
|
|
|
16 - 02 - 2019, 11:21 AM
|
رقم المشاركة : ( 4 ) | ||||
|
..::| الإدارة العامة |::..
|
رد: الاوضة الضلمة
مشاركة جميلة
ربنا يفرح قلبك |
||||
|
|
|
01 - 03 - 2019, 09:33 AM
|
رقم المشاركة : ( 5 ) | ||||
|
..::| الاشراف العام |::..
|
رد: الاوضة الضلمة
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| الضلمة إنتهت |
| النور في الضلمة |
| مشي الضلمة و ابعت نور |
| وفى عز الضلمة |
| النهاردة فضلت ادور على الموبايل بتاعى فى الاوضة |
العرض العادي
