|
 |
 |
 |
|
رقم المشاركة : ( 1 )
22 - 01 - 2017, 09:59 PM
|
|||||||||||
|
|||||||||||
|
١- ما تدخلش المطبخ وهي واقفة فيه بتغسل المواعين.. لان ده بيكون زي وقت اكتمال القمر عند المستذئبين كدة.. ممكن تهبرك في ثانية.. ٢- الشاي.. حاول تقلل من طلباتك لمشروباتك السخنة لان ده معناه كوبايات كتير وهتقوم تقف على الحوض كذا مرة.. والدراسات الحديثة بتقول ان طول عمرك بيتناسب عكسيا مع عدد مرات وقوف مراتك على الحوض في الشتا.. قلل وقفتها.. تعيش اكتر... معروفة ٣- ما تحاولش تتريق على الستريتش اللي تحت البنطلون اللي فوق البنطلون التالت اللي تحت البيجامة اللي فوق البروڤر اللي تحت الروب اللي تحت الشال اللي حاضن الدفاية... الحاجات دي هي الضمانة الوحيدة انها ما تعياش وقت الامتحانات والمذاكرة بتاعة العيال اللي لو سابتهم لك.. هتشنق نفسك بكوفية في جنش نجفة طرقة البيت.. ٤- الجزمة القديمة... لا مش قصدي على اللي نصحك تتجوز قصدي اللي لابسها في رجلك.. تقلعها اول ما تدخل من باب العمارة احتياطي.. مش باب الشقة.. لانك لو وسخت الارض اللي لسة ممسوحة بطين المطر اللي في جزمتك من الشارع اعتبر نفسك من المختفين قسريا لحد رمضان.. وهتظهر في صورة قطع بوفتيك على موائد الإفطار ٥- ابعد عنها لمدة ٣ ساعات بعد نشرها للغسيل في الشتا.. لان تعرضها لتيارات الهوا البارد وقت النشر مع غسيل المواعين مع مذاكرة العيال بيخلق حالة من الهلاوس البصرية بتخليها شايفاك بطانية تايجر متربة ونفسها تنفضها بالمنفضة او بالسكينة ايهما اقرب... ٦- التليفزيون.. احد اكبر العوامل اللي ممكن تنجيك من فترة الشتا وانت مع مراتك... الريموت في ايدها ما تفكرش تيجي جنبه.. هتتهور وتاخده وتجيب ماتش كورة.. مش هتلاقي لعيب واحد يحضر جنازتك.. كلهم في المنتخب.. ٧- الاكل.. هتلاقيها بتاكل كتير في الشتا.. ابتسم.. اوعى تعترض... الاكل هو نوع من انواع فشاشان الغلب اثناء فترة البيات الشتوي.. لو حاولت تبدي ملاحظات هي كدة كدة هتاخد احتياجاتها من الكالوريز المطلوبة لاستمرار الحياة... هتقللهم من الاكل وهتكملهم من عمرك.. اشتري عمرك قبل ما يغلا ٨- لو انت انقذت الغسيل من المطر مرة.. ده بيديك كوينز ولايفز كتير زي صب واي سيرفر اللي عالموبايل كدة تقدر تستخدمها عشان تطول فترة تواجدك في البيت اثناء الشتا لو العسكري قفشك.. ٩- حاول تبقى منتبه وانت نايم بالليل... هتقولي ازاي بقى؟ هقولك ما اعرفش.. مش شغلتي... المهم تبقى واعي انك ما تشدش اي بطانية من الستة اللي هي مستغطية بيهم او توقع اي لحاف من اللي بين البطاطين.. لان ده معناه تغيير في درجة حرارة المخلوق وممكن يحصل خروج من حالة الثبات وتبقى مجزرة عالسرير  امضاء فاعل خير 
|
|
23 - 01 - 2017, 12:46 PM
|
رقم المشاركة : ( 2 ) | ||||
|
..::| الاشراف العام |::..
|
رد: 😀 بعض الملاحظات فى التعاملات الزوجية الشتوية 😀
ههههههههههه فظيعه
ميرسى ربنا يفرح قلبك |
||||
|
|
|
23 - 01 - 2017, 02:18 PM
|
رقم المشاركة : ( 3 ) | ||||
|
† Admin Woman †
|
رد: 😀 بعض الملاحظات فى التعاملات الزوجية الشتوية 😀
ربنا يبارك حياتك |
||||
|
|
|
24 - 01 - 2017, 04:26 PM
|
رقم المشاركة : ( 4 ) | ||||
|
..::| الإدارة العامة |::..
|
رد: 😀 بعض الملاحظات فى التعاملات الزوجية الشتوية 😀
ميرسي كتير على مروركم الغالى
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| تخيلوا فرحة الانبا ايسيذوروس بابنه الانبا موسي في السما 😀😀 |
| حلاوتك تحلى عكى 😀 |
| صيف 2020 بالكورونا 😀 |
| 😀 *"صانع الإبتسامة"*😀 |
| احلى ترحيب لنونا 😀 |
العرض العادي
