|
 |
 |
 |
|
رقم المشاركة : ( 1 )
18 - 07 - 2013, 07:12 PM
|
|||||||||||
|
|||||||||||
|
الشخصيات: الراوي - يسوع – التلاميذ – ولد – جمهور الراوي : إزاي ممكن خمس أرغفة عيش و سمكتين يشبعوا 5000 شخص؟ اسمع القصة دي عن يسوع وغداء الولد الصغير. (صوت دوشة الناس ) الراوي: ناس كتير مشيت ورا يسوع عشان شافوه وهو بيشفي ناس عيانين . وفي يوم من الأيام والوقت اتأخر والناس جاعت ... يسوع: يا تلاميذ ...بصوا على زحمة الناس ... منين نقدر نجيب أكل للناس دي كلها عشان تاكل؟ تلميذ 1 : يا يسوع دا مرتب 8 شهور مش هيكون كفاية عشان كل واحد ياخد حتة عيش . (صوت دوشة الناس) تلميذ 2 : ( ينادي بصوت عال وسط الجماهير ) فيه حد هنا معاه أكل ؟ ولد : أيوة ... أنا جبت معايا أكل ، هو مش كتير خمس أرفغة عيش صغيرين و سمكتين صغيرين ... ممكن تاخدهم تلميذ 1 : شكراً ليك ... تعال معانا عشان نوري يسوع إيه إللي معاك تلميذ 2 : يايسوع ... هنا فيه ولد معاه 5 أرغفة عيش صغيرين وكمان معاه سمكتين صغيرين ، بس دول ممكن يعملوا إيه مع زحمة الناس دي كلها؟ ده هنا فيه أكتر من 5000 شخص ... إيه إللي ممكن نعمله ؟ يسوع : قولوا للناس تقعد ( صوت دوشة الناس – التلاميذ بيقولوا للناس يقعدوا ) يسوع : أبي السماوي أشكرك عشان إديتنا أرغفة العيش دول ،باشكرك كمان عشان السمك ... خللي كل الناس تاكل وتشبع من الأكل ده إللي أنت اديتهولنا ... خليهم يشوفوا مجدك. الراوي: وأخد تلاميذ يسوع الأكل وإدوه للناس و الخمس أرغفة والسمكتين أشبعت كل الناس. (صوت مرور الأكل وتشجيع الناس على الأكل) يسوع : الأكل كفّى كل الناس؟ التلاميذ: أيوه يا يسوع كل واحد أخد الأكل إللي يكفيه يسوع: خدوا سلال واجمعوا الأكل المتبقي وماتسبوش حاجة الراوي: وجمع التلاميذ كل الأكل إللي اتبقّى التلاميذ: بص يا يسوع أحنا جمعنا 12 سلة من العيش والسمك إللي إتبقّى يسوع: أنا هو خبز الحياة ، إللي يجي لي مش ممكن يجوع وإللي يؤمن بي مش يعطش أبدا الراوي: الناس اندهشت من المعجزة وافتكروا إن يسوع رسول مرسل من عند الله والولد الصغير اتعلم أنه أصغر هدية تقدمها ليسوع بيكون ليها نتائج عظيمة لو عايز تقرا أكتر عن معجزات يسوع اقرا إنجيل يوحنا في العهد الجديد في كتابك المقدس 
|
 |
|
| قد تكون مهتم بالمواضيع التالية ايضاً |
| الموضوع |
| في عام 1958، تم اكتشاف "مقبرة العقبان" التي تعود تاريخها إلى 5000 سنة |
| قصة يسوع والرجل المفلوج "اسكتش" |
| قصة يشوع ومعركة أريحا "اسكتش" |
| قصة يسوع يبارك الأطفال "اسكتش" |
| مسرحية: يسوع يشبع 5000 شخص |
العرض العادي
