|
 |
 |
 |
|
رقم المشاركة : ( 1 )
25 - 06 - 2016, 12:20 AM
|
|||||||||||
|
|||||||||||
|
+كاهن مشهور قوي بييجي في القنوات الفضائية المسيحيه بيتكلم عن ربنا وعن حبه لينا وعن ايات من الكتاب المقدس الكاهن ده كان مسافر بعربيته للصعيد وهو مسافر حصل عطل في العربية بجوار مصنع طوب وكانت الساعه 10 بالليل وللأسف مكنش فيه اي حد فاتح علشان يصلحها له واثناء ماهو واقف جنب عربيته العطلانه جاله شاب من المصنع علشان يعرض عليه المساعده وحاول يصلح العربية لكن معرفش .. وقاله مفيش غير انك تستني للصبح ونوديها للميكانيكي الكاهن قاله طيب استني وامري لله .. انا هدخل اقعد في العربية للصبح الشاب ده قاله ازاي الكلام ده ؟؟ انت بتشتمنا لولا الملامه كنت خليتك تبات معايا جوه في المصنع لكن للأسف مفيش حته تنام فيها لكن انا هتصرف وراح مسك تليفونه .. الشاب : ايوه ياض يامينا مينا : ايه يا درش الشاب : فيه قسيس عطلان جنب المصنع ومش عارف اساعده ازاي .. تعالي خده يبات عندكم للصبح وهات الجرار بتاعكم علشات تجر عربيته بالمرة مينا : انت متأكد انه قسيس ولا حد عامل فيها قسيس علشان يسرق الجرار الشاب : ياعم الراجل محترم ومطلبش مني اي حاجه غير انه يبات في عربيته للصبح مينا : معلش يادرش مانت عارف من ساعت الانفلات الامني بقي كل واحد بيعمل اي حاجه وبيلبس اي لبس .. علي العموم هلبس واجيلك حالا بعد نص ساعه كامله مينا وصل مينا : ازيك يا مصطفي .. فين الكاهن اللي بتقول عليه ده الشاب : في عربيته هناك اهو .. مينا : ايه ده !!! مش معقول !! انا في حلم ولا في علم .. انا اكيد بحلم معقول قدس ابونا ...... ده انا هتبارك بوجودك عندنا انهارده بجد انت محبوب جدا في القرية عندنا وكلنا بنشوف برنامجك احب اعرفك بنفسي .. انا مينا وده مصطفي صاحبي الكاهن : اهلا بيك وبيه .. كتر خيره بجد وقف جنبي ومسبنيش غير لما يشوفلي حل مينا : بص يا ابونا انت هتبات عندي للصبح .. وعلي 10 الصبح هتكون العربية جاهزة وزي الفل الكاهن : مش عاوز اتقل عليك يا ابني مينا : تتقل علي مين يا ابي .. ده انا هتصور معاك كمان علشان محدش هيصدق انك كنت عندي اصلا وصلوا البيت ومينا جهز العشا .. لكن لقي ابونا بيقوله فيه كنيسة قريبة منكم يا مينا .. مينا : ايوه يا ابي .. بعد مننا بربع ساعه مشي الكاهن : طيب انا عاوز اصلي القداس بكره مينا : طيب خلاص نسك علي العشا بقي علشان الصيام الانقطاعي " وصل مينا الكاهن لحد اوضته بعد ماعرفه علي افراد اسرته واتصوروا كلهم معاه وكانوا مبسوطين بيه جدا وبعد كده مسك تليفونه واتصل بكل اصحابه يقولهم مينا : الوووو ايوه ياض يافادي .. عارف مين عندي هنا ؟؟ مش هتصدق ابونا ........ وهو اللي هيصلي بكرة القداس بنفسه مع ابونا يواقيم بتاعنا اياك متجيش ياض متكسفناش .. عاوزين الكنيسة تبقي مليانه ,, وبلغ ابوك وامك واخواتك .. وكلم ميرفت اختك تيجي هي وجوزها كمان ... سلام مينا : الووووو ابانوب !! عارف مين عندي هنا ؟؟ .................. مينا : الووووووووو اسحق ....... كلم مينا كل اصحابه واكد عليهم يجوا بكرة هم واسرهم علشان يملوا الكنيسة لأبونا والصبح من النجمة دخل مينا علشان يصحي ابونا ... ولكن لما فتح الباب اتفاجأ مفاجأة كبيرة جدا .. ملقاش ابونا لكن لقى ورقة مكتوب فيها " حبيبي مينا , متشكر جدا لواجب الضيافة اللي انت عملته معايا انا جاي من مصر مخصوص علشانكم انتوا وتعمدت اتظاهر ان عربيتي عطلت علشان يحصل السيناريو ده .. ابونا يواقيم قابلني في القاهرة بالصدفة في عيادة دكتور السكر اللي بتابع معاه واتكلم معايا عن حال كنيستكم اللي محدش بيدخلها وهو اللي اتفق بنفسه مع صاحبك مصطفي انه يكلمك علشان الموضوع يبقي ماشي طبيعي .. ارجو انك متعرفش اسرتك اي شئ غير بعد القداس علشان يكملوا لبسهم ويروحوا معاك الكنيسة وهناك ابونا يواقيم هيحكي اللي حصل بالكامل .. لعل الناس تتعظ لازم تعرفوا ان حضور القداس بيكون لصاحب القداس مش للي هيعمل القداس ربنا حاضر بس احنا اللي غايبين ... 👍 🎾🎾🎾🎾🎾🎾 
|
|
25 - 06 - 2016, 01:48 PM
|
رقم المشاركة : ( 2 ) | ||||
|
† Admin Woman †
|
رد: كاهن مشهور.....بس ربنا مش مشهور
مشاركة جميلة جدا ربنا يبارك حياتك |
||||
|
|
|
25 - 06 - 2016, 06:56 PM
|
رقم المشاركة : ( 3 ) | ||||
|
..::| الإدارة العامة |::..
|
رد: كاهن مشهور.....بس ربنا مش مشهور
ميرسي على مرورك الغالى مارى
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| ( مت 27: 16) أسير مشهور |
| الاجتهاد له عدو مشهور؛ هو الكسل |
| يسوع كان مشهور لكن كان حقيقي |
| توبة ذياكون مشهور |
| دا مشهور اووووووي |
العرض العادي
